كورشىلەس وزبەكستان مەملەكەتى ولي ءماجلىسىنىڭ سەناتى رەسپۋبليكادا سايلاۋ جانە رەفەرەندۋم وتكىزۋ تارتىبىنە قاتىستى جاڭا زاڭدى ماقۇلدادى، دەپ حابارلايدى "ادىرنا" ءتىلشىسى.
سەنات وزبەكستاندا وكىلدى ورگاندارعا سايلاۋدىڭ ارالاس، ياعني ماجوريتارلىق جانە پروپورتسيونالدى جۇيەسىن ەنگىزۋدى ماقۇلداعانىن حابارلادى.
سەناتتىڭ قىرىق جەتىنشى پلەنارلىق وتىرىسىندا سەناتورلار "وزبەكستان رەسپۋبليكاسىنىڭ كەيبىر زاڭنامالىق اكتىلەرىنە سايلاۋ مەن رەفەرەندۋم وتكىزۋ ءتارتىبىن ودان ءارى جەتىلدىرۋگە باعىتتالعان وزگەرىستەر مەن تولىقتىرۋلار ەنگىزۋ تۋرالى" كونستيتۋتسيالىق زاڭدى تالقىلاپ، ماقۇلدادى.
"زاڭعا سايكەس ءبىر مانداتتى جانە بىرىڭعاي سايلاۋ وكرۋگتەرى كوزدەلەدى، زاڭ شىعارۋ پالاتاسىنىڭ 75 دەپۋتاتى ماجوريتارلىق سايلاۋ جۇيەسى بويىنشا ءبىر مانداتتى وكرۋگتەردەن، ال قالعان 75 زاڭ شىعارۋ پالاتاسىنىڭ دەپۋتاتتارى پروپورتسيونالدى سايلاۋ جۇيەسى (پارتيالىق ءتىزىم) بويىنشا ساياسي پارتيالارعا بەرىلگەن داۋىستار نەگىزىندە بىرىڭعاي وكرۋگتەن سايلانادى", — دەلىنگەن حابارلامادا.
