مەملەكەت باسشىسى قاسىم-جومارت توقاەۆ وزبەكستان پرەزيدەنتى شاۆكات ميرزيوەۆپەن بىرگە تۇركىستانداعى جاڭا مەشىتتى ارالاپ كوردى، دەپ حابارلايدى "ادىرنا".
اقوردا مالىمەتىنە سۇيەنسەك، قاسىم-جومارت توقاەۆ پەن شاۆكات ميرزيوەۆ قازاقستان مەن وزبەكستان اراسىنداعى باۋىرلاستىق بايلانىس جانە رۋحاني ىنتىماقتاستىق نىشانى رەتىندە تۇركىستاندا بوي كوتەرگەن مەشىتپەن تانىستى.
"قۇلشىلىق ءۇيىنىڭ ورتالىق زالىندا قۇران وقىلدى", دەلىنگەن اقوردا حابارلاماسىندا.مەشىت وزبەكستان پرەزيدەنتىنىڭ تۇركىستان تۇرعىندارى مەن بارشا قازاقستاندىقتارعا تارتۋى رەتىندە سالىنعان.
عيماراتتا ءداستۇرلى يسلام ەلەمەنتتەرى زاماناۋي قۇرىلىس تەحنولوگيالارىمەن ۇيلەسىم تاپقان. قاسبەتى مەن ىشكى اۋماعى ۇلتتىق ويۋ-ورنەكپەن جانە مۇسىلمان كالليگرافياسىمەن بەزەندىرىلگەن. مۇنارالاردىڭ بيىكتىگى – 61 مەتر.
عيبادات ورنى جاڭا ينجەنەرلىك جەلىلەرمەن جابدىقتالعان. سونداي-اق اباتتاندىرىلعان اۋماقتا جارىقتاندىرۋ جۇيەلەرى، دەمالىس ايماقتارى، سۋبۇرقاقتار بار.
ۇقساس جاڭالىقتار
