Respublika پارتياسى جاقىن ارادا رەسمي تۇردە تىركەلۋى مۇمكىن. بۇل تۋرالى پارتيا توراعاسى ايداربەك قوجانازاروۆ ءوزىنىڭ فەيسبۋك پاراقشاسىندا حابارلادى، دەپ جازادى "ادىرنا" ۇلتتىق پورتالى.
"كەشە، 2023 جىلدىڭ 11 قاڭتارىندا قر-نىڭ ادىلەت مينيسترلىگىنە پارتيانى تىركەۋ ءۇشىن قۇجاتتاردىڭ سوڭعى پاكەتىن تاپسىرعانىمىزدى رەسمي تۇردە حابارلايمىن. دايىندىق بارىسىندا ءبىزدىڭ جاقتاستارىمىزدىڭ بەس مىڭ قولى جينالدى، ەلىمىزدىڭ تۇكپىر-تۇكپىرىنەن مىڭنان استام دەلەگات جينالعان قۇرىلتاي سەزى ءوتتى. پارتيا باعدارلاماسى مەن جارعى تانىستىرىلىپ، ەلىمىزدىڭ قانداي جولمەن ءجۇرۋى كەرەكتىگى ايتىلدى. پارتيا باعدارلاماسى الەۋمەتتىك، ەكونوميكالىق جانە باسقا دا وزەكتى ماسەلەلەردى شەشۋدە جۇيەلى كوزقاراس قاعيداتتارىنا نەگىزدەلىپ، قازاقستاننىڭ وزىندىك ەرەكشەلىگىن، مادەنيەتى مەن ءتىلىن بارىنشا ساقتاي وتىرىپ، ەل مەن بيزنەستى تسيفرلاندىرۋ قاجەتتىلىگىن تۇسىنۋگە باعىتتالادى. پارتيا جارعىسى ءوز مۇشەلەرىنە رەسمي تالاپتار قويىپ قانا قويماي، سونىمەن قاتار ءبىزدىڭ قاتارىمىزدىڭ تازالىعىن قامتاماسىز ەتۋدە بەلگىلى ءبىر مورالدىق-ەتيكالىق نورمالاردىڭ ساقتالۋىن بەلگىلەيدى. ءبىزدىڭ جاقتاستارىمىز "الەمدى جاقسى جاققا وزگەرتكىڭ كەلسە، وزىڭنەن باستا" دەگەن قاراپايىم شىندىقتى ەستە ساقتاي وتىرىپ، پارتيانىڭ جوعارى تالاپتارىن اقتايتىنىنا سەنىمدىمىن. ەندى بارلىق دايىندىق كەزەڭدەرىنەن وتكەننەن كەيىن ءبىز پارتيانىڭ تۇپكىلىكتى تىركەلۋىن كۇتىپ وتىرمىز. بۇل بىزگە رەسمي تۇردە جۇمىسقا كىرىسۋگە مۇمكىندىك بەرەدى. ءبىز ءار وڭىرگە كەلىپ، ءاربىر ازاماتتىڭ ءسوزىن تىڭداۋعا، ەلدىڭ بارلىق ىرگەلى ماسەلەلەرىنە تەرەڭ ۇڭىلۋگە تىرىسامىز. دۇرىس شەشىمدەردى بىرگە تاباتىنىمىزعا سەنىمدىمىن. العا قازاقستان! العا Respublika!", - دەپ جازدى ايداربەك قوجانازاروۆ.
"ادىرنا" ۇلتتىق پورتالى
