قازاقستاندا مەملەكەتتىك بيۋدجەتتىڭ 80 پايىزى ورنىقتى دامۋ ماقساتتارىنا سايكەستەندىرىلدى. بۇل تۋرالى قاسىم-جومارت توقاەۆ بۇۇ-نىڭ ورتالىق ازيا ەكونوميكالارىنا ارنالعان ارنايى باعدارلاماسىنا (سپەكا) قاتىسۋشى مەملەكەت باسشىلارىنىڭ ءبىرىنشى سامميتىندە ايتتى، دەپ حابارلايدى «ادىرنا» ءتىلشىسى.
«گەوساياسي تۇرعىدا بولشەكتەنۋ بەلەڭ الىپ، جاھاندىق ەكونوميكانىڭ كونيۋنكتۋراسى قۇبىلىپ تۇرعان قازىرگى جاعدايدا ارنايى باعدارلامانىڭ ءمان-ماڭىزى ارتا تۇسەدى. ورتاق مۇددەنى ەسكەرە وتىرىپ، سپەكا-نى ودان ءارى دامىتۋ جونىندە ءوز كوزقاراسىمدى ورتاعا سالۋعا رۇقسات ەتىڭىزدەر.
ورنىقتى دامۋ قاعيداتتارى مەملەكەتتەرىمىزدىڭ ۇلتتىق ستراتەگيالارى مەن باعدارلامالارىنىڭ وزەگىنە اينالدى.
بۇگىندە قازاقستاندا مەملەكەتتىك بيۋدجەتتىڭ 80 پايىزى ورنىقتى دامۋ ماقساتتارىنا سايكەستەندىرىلدى»،—دەدى ول.
پرەزيدەنت ەل ۇكىمەتىنىڭ باستى مىندەتىن دە اتاپ ءوتتى.
«ۇكىمەتىمىزدىڭ ەڭ باستى مىندەتى – ساپالى ءبىلىم بەرۋ مەن دەنساۋلىق ساقتاۋ ءىسىنىڭ بارشاعا قول جەتىمدى بولۋىن قامتاماسىز ەتۋ. جۋىردا كۇشىنە ەنگەن جاڭا الەۋمەتتىك كودەكستە الەۋمەتتىك وسال توپتارعا جاتاتىن ازاماتتاردى قورعاۋ تەتىكتەرى جەتىلدىرىلدى»،—دەپ تولىقتىردى توقاەۆ.
