ءماجىلىس دەپۋتاتتارى ۇجىمدىق قاۋىپسىزدىك شارتى ۇيىمىنىڭ جارعىسىنا جاڭا وزگەرىستەر ەنگىزۋدى كوزدەيتىن ءتورتىنشى حاتتامانى راتيفيكاتسيالاۋ تۋرالى زاڭدى قابىلدادى، دەپ حابارلايدى "ادىرنا" ۇلتتىق پورتالى.
ءبىرىنشى تولىقتىرۋ ۇقشۇ-عا مۇشە مەملەكەتتەردىڭ، اتاپ ايتقاندا بيولوگيالىق قاۋىپسىزدىك سالاسىنداعى قىزمەت اياسىن كەڭەيتەدى. ەكىنشى تولىقتىرۋ ۇقشۇ ۇجىمدىق قاۋىپسىزدىك كەڭەسىنىڭ شەشىمىمەن ۇيىمنىڭ باس حاتشىسىنىڭ وكىلەتتىگىن مەرزىمىنەن بۇرىن توقتاتۋ مۇمكىندىگىن قاراستىرادى.
الداعى ۋاقىتتا قۇجات سەناتتىڭ قاراۋىنا جىبەرىلەتىن بولادى.
ايتا كەتەيىك، ۇقشۇ جارعىسىنا 2010 جىلعى 10 جەلتوقسانداعى حاتتاما، سونداي-اق 2018 جىلعى 8 قاراشاداعى ەكىنشى جانە ءۇشىنشى حاتتامالار ارقىلى بۇرىن ءۇش وزگەرىس ەنگىزىلگەن. 2022 جىلعى 26 تامىزدا ۇيىمعا مۇشە مەملەكەتتەردىڭ مەملەكەت باسشىلارى جارعىنىڭ 8 جانە 17-باپتارىنا ەكى تولىقتىرۋدى كوزدەيتىن ءتورتىنشى حاتتاماعا قول قويدى.
