Májilis depýtattary Ujymdyq qaýipsizdik sharty uıymynyń jarǵysyna jańa ózgerister engizýdi kózdeıtin tórtinshi hattamany ratıfıkaııalaý týraly zańdy qabyldady, dep habarlaıdy "Adyrna" ulttyq portaly.
Birinshi tolyqtyrý UQShU-ǵa múshe memleketterdiń, atap aıtqanda bıologııalyq qaýipsizdik salasyndaǵy qyzmet aıasyn keńeıtedi. Ekinshi tolyqtyrý UQShU Ujymdyq qaýipsizdik keńesiniń sheshimimen uıymnyń Bas hatshysynyń ókilettigin merziminen buryn toqtatý múmkindigin qarastyrady.
Aldaǵy ýaqytta qujat Senattyń qaraýyna jiberiletin bolady.
Aıta keteıik, UQShU jarǵysyna 2010 jylǵy 10 jeltoqsandaǵy hattama, sondaı-aq 2018 jylǵy 8 qarashadaǵy ekinshi jáne úshinshi hattamalar arqyly buryn úsh ózgeris engizilgen. 2022 jylǵy 26 tamyzda uıymǵa múshe memleketterdiń memleket basshylary jarǵynyń 8 jáne 17-baptaryna eki tolyqtyrýdy kózdeıtin tórtinshi hattamaǵa qol qoıdy.
