احمەت بايتۇرسىنۇلى اتىنداعى №48 مەكتەپ-ليتسەيىندە ەكولوگيالىق جاۋاپكەرشىلىكتى قالىپتاستىرۋعا جانە تاريحي تۇلعالاردى دارىپتەۋگە باعىتتالعان «ەكو سانا» جوباسى ءساتتى جۇزەگە اسىرىلدى. وعان وقۋشىلار، مۇعالىمدەر جانە اتا-انالار بەلسەنە قاتىسىپ، شىعارماشىلىق پەن زاماناۋي تەحنولوگيانى ۇيلەستىرگەن ەرەكشە جۇمىس ۇسىندى.
جوبا اياسىندا مەكتەپ وقۋشىلارى شامامەن 7 000 پلاستيكالىق قاقپاقتى قايتا پايدالانۋ ارقىلى ەلىمىزدىڭ ۇلكەن كولەمدەگى كارتاسىن جاسادى. كارتا قازاقستاننىڭ 17 وبلىسىن ناقتى بەينەلەپ، ءار ءوڭىردىڭ وزىندىك رەڭكىن كورسەتۋگە باعىتتالدى. بۇل باستاما وقۋشىلارعا ەكولوگياعا جاناشىر بولۋدى، قالدىقتاردى سۇرىپتاۋ مادەنيەتىن ۇيرەتۋدى جانە قايتا وڭدەۋدىڭ ماڭىزىن ءتۇسىندىرۋدى ماقسات ەتتى. اتا-انالار، ۇستازدار جانە وقۋشىلار ءبىر اپتا ىشىندە قاقپاقتاردى جيناپ، سۇرىپتاپ، جۋىپ-تازالاپ، ۇلكەن ورتاق ءىستى اتقاردى. تاريحي-اعارتۋشىلىق باعىتتا وقۋشىلار ءار وبلىستان شىققان الاش قايراتكەرلەرى تۋرالى اقپاراتتى جاساندى ينتەللەكت كومەگىمەن دايىندادى.
جۇمىس بارىسىندا:
- Canva,
- Gemini,
- DreamFace,
- سويلەۋدى سينتەزدەۋ جۇيەلەرى
سياقتى پلاتفورمالار قولدانىلدى.
كارتاداعى ءار وبلىسقا QR-كودتار ورنالاستىرىلىپ، ولار ارقىلى كەلۋشىلەر الاش تۇلعالارى جونىندەگى مۋلتيمەديالىق ماتەريالداردى كورە الادى.
بۇل باستاما:
- ەكولوگيالىق مادەنيەتتى ارتتىردى،
- وقۋشىلاردىڭ ۇلتتىق تاريحقا قىزىعۋشىلىعىن كۇشەيتتى،
- جاساندى ينتەللەكتتى ساۋاتتى قولدانۋ قابىلەتىن دامىتتى،
- شىعارماشىلىق ويلاۋ مەن بىرلەسە جۇمىس ىستەۋ داعدىسىن جەتىلدىردى.
AITU ۋنيۆەرسيتەتىنىڭ پروفەسسورى ەسەنوۆ ءالىمجان 2025 جىلدىڭ قىركۇيەگىنەن بەرى مەكتەپ پەداگوگتەرىنە جاساندى زەردە بويىنشا تۇراقتى دارىستەر وتكىزىپ كەلە جاتقانىن دا ايتا كەتۋ قاجەت. «ەكو سانا» – وسى وقىتۋلاردىڭ ناقتى ناتيجەسى.
جوبا تۋرالى پىكىر بىلدىرگەن №48 مەكتەپ-ليتسەيىنىڭ ديرەكتورى قياقباي نۇريلا باقتيارقىزى باستامانىڭ كوپتەن بەرى ويىندا جۇرگەنىن اتاپ ءوتتى:
«جالپى قاقپاقتارمەن ەلىمىزدىڭ كارتاسىن جاساۋ يدەياسى ءبىرازدان بەرى تولعاندىرىپ ءجۇردى. ەلىمىزدىڭ تۇتاستىعىن باياندايتىن مۇنداي دۇنيە ۇجىمنىڭ بىرلىگىن دە ارتتىردى دەگەن سەنىمدەمىن. نازارلارىڭىزعا ۇسىنىپ وتىرعان جوبا 7000 قاقپاقتان تۇرادى. مەكتەپ وقۋشىلارى، اتا-انالارى جانە مۇعالىمدەرى 1 اپتانىڭ كولەمىندە وسىنداي قاقپاقتاردى جيناپ، جۋىپ تازالادىق. ەلىمىزدىڭ كارتاسىن وقۋشىلار جانە جاس ماماندارمەن بىرلەسە وتىرىپ، ءار وبلىس ءار ءتۇرلى رەڭكە بويالىپ، ءار وبلىستان شىققان الاش زيالىلارىنىڭ ۇلاعاتتى سوزدەرىن جاساندى ينتەللەكت ارقىلى QR-لارعا ورنالاستىرىلدى. وسىلايشا جاساندى زەردەنىڭ تىلىمەن ءبىز ءارى “تازا قازاقستان” اكتسياسىنا دا قاتىسىپ، تاريحي قۇندىلىقتارىمىزدى دا ارداقتاي الامىز. 2025 جىلدىڭ قىركۇيەك ايىنان بەرى مەكتەبىمىزدىڭ پەداگوگتەرىن AITU ۋنيۆەرسيتەتىنىڭ پروفەسسورى ەسەنوۆ اليمجان جاساندى زەردە بويىنشا ءتۇرلى پلاتفورمالاردى تانىستىرىپ، ءدارىس بەرۋدە. بۇل ءوز كەزەگىندە سول ءدارىستىڭ جەمىسى دەپ ويلايمىز. وسىنداي يدەيالاردى قولداعان مەكتەپ ۇجىمى مەن وقۋشىلارىما ريزاشىلىعىمدى بىلدىرەمىن.»
