ۇلىتاۋ وڭىرىندە جوبا قۇنىنىڭ ايتارلىقتاي قىمباتتاۋىنا بايلانىستى قىزىلوردا-جەزقازعان جولىن قايتا جاڭعىرتۋ جۇمىستارى توقتاتىلدى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە وبلىس اكىمى بەرىك ابدىعاليۇلى ايتتى، دەپ حابارلايدى “ادىرنا” ۇلتتىق پورتالى.
«ءبىزدىڭ ەڭ ۇلكەن پروبلەمامىز – جول. اسىرەسە، قىزىلوردا مەن جەزقازعان اراسىنداعى جول. قىزىلوردا بولىگى اياقتالىپ جاتىر، بىراق جەزقازعان بولىگى بيىل باعانىڭ كوتەرىلۋىنە بايلانىستى توقتاتىلدى. بولىنگەن 90 ميلليارد تەڭگە جول قۇرىلىسىنا جەتپەي قالدى»، - دەدى ابدىعاليۇلى.
وسىعان بايلانىستى ۇكىمەت ازيا دامۋ بانكىمەن بىرلەسىپ قارجىلاندىرۋدى 145 ملرد تەڭگەگە دەيىن ارتتىردى، دەپ قوستى ول. كەلەسى جىلعا قوسىمشا قارجى بولىنەدى.
ماۋسىم ايىندا حالىق اراسىندا «قيامەت جولى» اتانعان قىزىلوردا-جەزقازعان باعىتىنداعى جول قۇرىلىسىنىڭ اياقتالۋى قاشان جوسپارلانعانىن وبلىس اكىمى نۇرلىبەك نالىباەۆ ايتقان بولاتىن.
ول بۇل جولداعى قۇرىلىس جۇمىستارى مەملەكەت باسشىسىنىڭ تىكەلەي قولداۋىمەن وتكەن جىلى باستالعانىن دا ايتا كەتكەن.
«قىزىلوردا-جەزقازعان باعىتى حالىقتىڭ ارمانى ەدى.قازىرگى ۋاقىتتا جۇمىس قىزۋ ءجۇرىپ جاتىر.مەن وتكەن جىلدىڭ سوڭى مەن بيىلعى جىلدىڭ باسىندا بولدىم. بيتۋمعا كەلەتىن بولساق: قىستا ارزانىراق، بىراق جىلى جازدا سۇرانىس جوعارى بولعاندىقتان قىمباتتايدى. بىراق ولار قىزىلوردادا ساقتالادى "بيتۋمنىڭ ارتىق قورى بار، ولار جەتكىلىكتى، شاعىمداناتىن ەشتەڭە جوق. قىزىلوردا وبلىسى مەن ۇلىتاۋ وبلىسىنىڭ جەزقازعانىنىڭ اراسى - 216 شاقىرىم. بيىل 140 شاقىرىمى اياقتالادى دەپ كۇتىلۋدە، قالعانىن 2024-2025 جىلدارى تولىق اياقتايمىز»، - دەپ سەندىرگەن وبلىس اكىمى.
ەسكە سالايىق، 2021 جىلى پرەزيدەنت قاسىم-جومارت توقاەۆ استانا — الماتى جانە جەزقازعان — قىزىلوردا جولدارى جايلى ايتقان بولاتىن.
ونىڭ سوزىنشە، شالعايداعى ءىرى قالالاردىڭ باسقا وڭىرلەرمەن ستراتەگيالىق بايلانىسىن قامتاماسىز ەتۋ كەرەك.
«مەن بالقاش قالاسىنىڭ پوتەنتسيالىن ارتتىراتىن نۇر-سۇلتان — الماتى جولىن قالپىنا كەلتىرۋ جۇمىستارىن 2023 جىلى اياقتاۋعا تاپسىرما بەردىم»، — دەگەن بولاتىن قاسىم-جومارت توقاەۆ.
ەكىباستۇزدا مونوقالالاردى دامىتۋ ماسەلەسىنە قاتىستى وتكەن جيىندا ءسوز سويلەگەن مەملەكەت باسشىسى 2024 جىلى جەزقازعان — قىزىلوردا اۆتوجولىن سالۋ اياقتالۋعا ءتيىس ەكەنىن اتاپ وتكەن ەدى.
