Ūlytau öŋırınde joba qūnynyŋ aitarlyqtai qymbattauyna bailanysty Qyzylorda-Jezqazǧan jolyn qaita jaŋǧyrtu jūmystary toqtatyldy. Būl turaly ortalyq kommunikasiialar qyzmetınde ötken brifingte oblys äkımı Berık Äbdıǧaliūly aitty, dep habarlaidy “Adyrna” ūlttyq portaly.
«Bızdıŋ eŋ ülken problemamyz – jol. Äsırese, Qyzylorda men Jezqazǧan arasyndaǧy jol. Qyzylorda bölıgı aiaqtalyp jatyr, bıraq Jezqazǧan bölıgı biyl baǧanyŋ köterıluıne bailanysty toqtatyldy. Bölıngen 90 milliard teŋge jol qūrylysyna jetpei qaldy», - dedı Äbdıǧaliūly.
Osyǧan bailanysty ükımet Aziia damu bankımen bırlesıp qarjylandyrudy 145 mlrd teŋgege deiın arttyrdy, dep qosty ol. Kelesı jylǧa qosymşa qarjy bölınedı.
Mausym aiynda halyq arasynda «qiiamet joly» atanǧan Qyzylorda-Jezqazǧan baǧytyndaǧy jol qūrylysynyŋ aiaqtaluy qaşan josparlanǧanyn oblys äkımı Nūrlybek Nälıbaev aitqan bolatyn.
Ol būl joldaǧy qūrylys jūmystary Memleket basşysynyŋ tıkelei qoldauymen ötken jyly bastalǧanyn da aita ketken.
«Qyzylorda-Jezqazǧan baǧyty halyqtyŋ armany edı.Qazırgı uaqytta jūmys qyzu jürıp jatyr.Men ötken jyldyŋ soŋy men biylǧy jyldyŋ basynda boldym. Bitumǧa keletın bolsaq: qysta arzanyraq, bıraq jyly jazda sūranys joǧary bolǧandyqtan qymbattaidy. Bıraq olar Qyzylordada saqtalady "Bitumnyŋ artyq qory bar, olar jetkılıktı, şaǧymdanatyn eşteŋe joq. Qyzylorda oblysy men Ūlytau oblysynyŋ Jezqazǧanynyŋ arasy - 216 şaqyrym. Biyl 140 şaqyrymy aiaqtalady dep kütılude, qalǧanyn 2024-2025 jyldary tolyq aiaqtaimyz», - dep sendırgen oblys äkımı.
Eske salaiyq, 2021 jyly Prezident Qasym-Jomart Toqaev Astana — Almaty jäne Jezqazǧan — Qyzylorda joldary jaily aitqan bolatyn.
Onyŋ sözınşe, şalǧaidaǧy ırı qalalardyŋ basqa öŋırlermen strategiialyq bailanysyn qamtamasyz etu kerek.
«Men Balqaş qalasynyŋ potensialyn arttyratyn Nūr-Sūltan — Almaty jolyn qalpyna keltıru jūmystaryn 2023 jyly aiaqtauǧa tapsyrma berdım», — degen bolatyn Qasym-Jomart Toqaev.
Ekıbastūzda monoqalalardy damytu mäselesıne qatysty ötken jiynda söz söilegen memleket basşysy 2024 jyly Jezqazǧan — Qyzylorda avtojolyn salu aiaqtaluǧa tiıs ekenın atap ötken edı.
