نۇر-سۇلتان قالاسىندا كوكتايعاققا بايلانىستى بارلىق قالا ماڭى باعىتتارى توقتاتىلدى، - دەپ حابارلايدى «ادىرنا» ۇلتتىق پورتالى. بۇل تۋرالى CTS, Instagram جەلىسىندە ءمالىم ەتتى.
«اۋا-رايىنىڭ قولايسىزدىعىنا بايلانىستى (كوكتايعاق) قالا ماڭىنا قاتىنايتىن بارلىق باعدارلاردىڭ قوزعالىسى ۋاقىتشا توقتاتىلدى»، - دەلىنگەن كولىك كومپانياسىنىڭ حابارلاماسىندا.
سونىمەن قاتار، اۋا-رايىنا بايلانىستى اۆتوبۋستار باياۋ قاتىناۋدا. سوندىقتان قالالىق اۆتوبۋستار كەستە بويىنشا جۇرىستەن كەش قاتىناۋى مۇمكىن دەپ حابارلانعان.
تۇرعىنداردان تۇسىنىستىكپەن قاراۋىن وتىنگەن كومپانيا، بۇعان دەيىن تاڭەرتەڭ مارشرۋتتىق اۆتوبۋستاردىڭ قاتىسۋىمەن ەكى اپات ورىن العانىن حابارلاعان بولاتىن. ەسكە سالا كەتەيىك، بۇگىن نۇر-سۇلتان اۋەجايىنداعى 16 رەيس ۋاقىتىنان كەشىكتىرىلىپ جاتىر.
«ادىرنا» ۇلتتىق پورتالى
