بولات نازارباەۆتى ەسكە الۋعا استانانىڭ رەسپۋبليكالىق باس مەشىتىنە بۇرىنعى پرەزيدەنت نۇرسۇلتان نازارباەۆتىڭ قىزى داريعا نازارباەۆ كەلدى. بۇل تۋرالى قازتاگ ءتىلشىسى حابارلادى، دەپ جازادى «ادىرنا» ۇلتتىق پورتالى.
ايتا كەتەيىك، مەشىتتىڭ ىشىنە ادامدار ءتىزىم بويىنشا كىرگىزىلدى.
ءوزىن كۇزەتشىمىن دەپ تانىستىرعان ەر ادام وقيعانىڭ جەكە شارا ەكەنىن ايتتى. كۇزەتشىنىڭ سپيرالدى سىمى بار قۇلاققاپتارى بولعانىن ەسكەرەتىن بولساق، ولاردى مەشىت كۇزەتشىلەرى پايدالاناتىنا كۇمان بار. مۇنداي قۇلاققاپتار كوبىنە وققاعارلارعا جانە جوعارى لاۋازىمدى شەنەۋنىكتەردىڭ كۇزەت قىزمەتىنە ءتان. بۇل نازارباەۆتىڭ اينالاسىنداعى ادامداردىڭ قاۋىپسىزدىگىن قامتاماسىز ەتۋ وكىلدەرىنىڭ ءبىرى بولۋى مۇمكىن.
ايتا كەتەيىك، «ۇلىسمەديانىڭ» حابارلاۋىنشا، وقيعا ورنىنا نۇرتاي ابىقاەۆ، ومىرزاق شوكەەۆ، تيمۋر قۇلىباەۆ، ەرمۇحامەت ەرتىسباەۆ، احمەتجان ەسىموۆ، مىرزاتاي جولداسبەكوۆ جانە ت.ب. كەلگەن.
«ەسكى قازاقستان وكىلدەرىنىڭ اراسىندا ەسكە الۋ عانا ەمەس، سونىمەن قاتار «ساعاتتار سينحرونيزاتسياسى» ءجۇرىپ جاتىر دەپ ايتا الامىز. شارا مۇڭدى بولعانىمەن، جەكەلەگەن قاتىسۋشىلاردىڭ كوتەرىڭكى كوڭىل-كۇيىنە قاراعاندا ىسكەرلىك سيپاتتا ءوتتى، - دەپ جازىلعان جازبادا.
سونداي-اق «كۋرسيۆ» سايتىنىڭ جازباسىندا ەكس-پرەزيدەنتتىڭ جينالعاندارعا نە ايتقانىن باق وكىلدەرىنە بەرگەن سۇحباتىندا مەملەكەت تاريحى ينستيتۋتى ديرەكتورىنىڭ ورىنباسارى بۇركىتباي اياعان جەتكىزگەن.
«ماعان ول كىسىنىڭ ءسوزى ۇنادى. ول كىسى: «ءبىزدىڭ كەنجەمىز ەدى، قولىمىزدا ءوستى. ماعان باۋىرىمنىڭ كەتكەنى باتىپ تۇر. ونى جوعالتۋ مەن ءۇشىن وتە قيىن. كوپ ادامدار نە ايتاتىنىن بىلەمىن، بىراق مەن قولىمنان كەلگەننىڭ ءبارىن جاسادىم جانە قازاقستاندا سوعىس بولعان جوق دەدى»، – دەپ باياندادى ن.نازارباەۆتىڭ ءسوزىن ب. اياعان.
ن.نازارباەۆتىڭ ۇزەڭگىلەسى قۋانىش سۇلتانوۆ استان كەيىن تىلشىلەرمەن تىلدەسكەندە: «مەن نازارباەۆقا كوڭىل ايتۋعا كەلدىم، كوڭىل ايتتىم»، – دەپ قىسقا قايىردى. ن.نازارباەۆتى سىناپ، تاياۋدا عانا سۇحبات بەرگەن اكادەميك، مەملەكەت جانە قوعام قايراتكەرى مىرزاتاي جولداسبەكوۆ قازاقستاننىڭ بۇرىنعى پرەزيدەنتى ن.نازارباەۆ جايلى ايتقاندارىنىڭ بارلىعى شىندىق ەكەنىن مالىمدەدى.
«سول شىندىقتى بيلىك باسىندا وتىرعاندا نەگە ايتپادىڭىز؟» – دەگەن سۇراققا م.جولداسبەكوۆ: «مەنىڭ كىتاپتارىمدى، جازبالارىمدى وقىساڭ، كورەسىڭ. بارلىق شىندىق جازىلعان، – دەپ جاۋاپ بەردى.
بولات نازارباەۆتىڭ اسى 18 قاراشا كۇنى استاناداعى رەسپۋبليكالىق باس مەشىتتە وتەتىنىن حابارلاعان بولاتىنبىز.
ەسكە سالا كەتەيىك، مەشىت قۇرىلىسىنداعى العاشقى تاستى ەكس-پرەزيدەنت نازارباەۆ ءوزى قالاعان.
سونىمەن قاتار حاتىم تۇسىرۋگە باس ءمۇفتي ناۋرىزباي قاجى تاعانۇلى قاتىساتىنىن دا جاريالاعان ەدىك.
بەلگىلى بولعانداي، جەرلەۋگە نۇرسۇلتان نازارباەۆتىڭ قىزى، سەناتتىڭ ەكس-سپيكەرى داريعا نازارباەۆانىڭ كەلگەنى تۋرالى حابارلاندى. اعاسىنىڭ اسىنا كەلگەن نازارباەۆا قاڭتار وقيعاسىنان كەيىن كوۆيدپەن اۋىرىپ، اقپان ايىنىڭ سوڭىنا دەيىن اقىسىز دەمالىستا بولدى. كەيىننەن قىزمەتتەن كەتىپ، كوپشىلىك كوزىنەن عايىپ بولعان. سودان بەرى بۇگىن اتى اتالىپ وتىر.
«ادىرنا» ۇلتتىق پورتالى
