Bolat Nazarbaevty eske aluǧa astananyŋ respublikalyq Bas meşıtıne būrynǧy prezident Nūrsūltan Nazarbaevtyŋ qyzy Dariǧa Nazarbaev keldı. Būl turaly QazTag tılşısı habarlady, dep jazady «Adyrna» ūlttyq portaly.
Aita keteiık, meşıttıŋ ışıne adamdar tızım boiynşa kırgızıldı. Özın küzetşımın dep tanystyrǧan er adam oqiǧanyŋ jeke şara ekenın aitty. Küzetşınıŋ spiraldy symy bar qūlaqqaptary bolǧanyn eskeretın bolsaq, olardy meşıt küzetşılerı paidalanatyna kümän bar. Mūndai qūlaqqaptar köbıne oqqaǧarlarǧa jäne joǧary lauazymdy şeneunıkterdıŋ küzet qyzmetıne tän. Būl Nazarbaevtyŋ ainalasyndaǧy adamdardyŋ qauıpsızdıgın qamtamasyz etu ökılderınıŋ bırı boluy mümkın. Aita keteiık, «Ūlysmedianyŋ» habarlauynşa, oqiǧa ornyna Nūrtai Äbıqaev, Ömırzaq Şökeev, Timur Qūlybaev, Ermūhamet Ertısbaev, Ahmetjan Esımov, Myrzatai Joldasbekov jäne t.b. kelgen.«Eskı Qazaqstan ökılderınıŋ arasynda eske alu ǧana emes, sonymen qatar «saǧattar sinhronizasiiasy» jürıp jatyr dep aita alamyz. Şara mūŋdy bolǧanymen, jekelegen qatysuşylardyŋ köterıŋkı köŋıl-küiıne qaraǧanda ıskerlık sipatta öttı, - dep jazylǧan jazbada.Sondai-aq «Kursiv» saitynyŋ jazbasynda eks-prezidenttıŋ jinalǧandarǧa ne aitqanyn BAQ ökılderıne bergen sūhbatynda Memleket tarihy instituty direktorynyŋ orynbasary Bürkıtbai Aiaǧan jetkızgen.
«Maǧan ol kısınıŋ sözı ūnady. Ol kısı: «Bızdıŋ kenjemız edı, qolymyzda östı. Maǧan bauyrymnyŋ ketkenı batyp tūr. Ony joǧaltu men üşın öte qiyn. Köp adamdar ne aitatynyn bılemın, bıraq men qolymnan kelgennıŋ bärın jasadym jäne Qazaqstanda soǧys bolǧan joq dedı», – dep baiandady N.Nazarbaevtyŋ sözın B. Aiaǧan.N.Nazarbaevtyŋ üzeŋgılesı Quanyş Sūltanov astan keiın tılşılermen tıldeskende: «Men Nazarbaevqa köŋıl aituǧa keldım, köŋıl aittym», – dep qysqa qaiyrdy. N.Nazarbaevty synap, taiauda ǧana sūhbat bergen akademik, memleket jäne qoǧam qairatkerı Myrzatai Joldasbekov Qazaqstannyŋ būrynǧy prezidentı N.Nazarbaev jaily aitqandarynyŋ barlyǧy şyndyq ekenın mälımdedı.
«Sol şyndyqty bilık basynda otyrǧanda nege aitpadyŋyz?» – degen sūraqqa M.Joldasbekov: «Menıŋ kıtaptarymdy, jazbalarymdy oqysaŋ, köresıŋ. Barlyq şyndyq jazylǧan, – dep jauap berdı.Bolat Nazarbaevtyŋ asy 18 qaraşa künı Astanadaǧy Respublikalyq bas meşıtte ötetının habarlaǧan bolatynbyz. Eske sala keteiık, meşıt qūrylysyndaǧy alǧaşqy tasty eks-prezident Nazarbaev özı qalaǧan. Sonymen qatar hatym tüsıruge bas müfti Nauryzbai qajy Taǧanūly qatysatynyn da jariialaǧan edık. Belgılı bolǧandai, jerleuge Nūrsūltan Nazarbaevtyŋ qyzy, Senattyŋ eks-spikerı Dariǧa Nazarbaevanyŋ kelgenı turaly habarlandy. Aǧasynyŋ asyna kelgen Nazarbaeva Qaŋtar oqiǧasynan keiın kovidpen auyryp, aqpan aiynyŋ soŋyna deiın aqysyz demalysta boldy. Keiınnen qyzmetten ketıp, köpşılık közınen ǧaiyp bolǧan. Sodan berı bügın aty atalyp otyr.
«Adyrna» ūlttyq portaly
Ūqsas jaŋalyqtar
