قازاقستان ەكس-پرەزيدەنتى نۇرسۇلتان نازارباەۆتىڭ ءىنىسى بولات نازارباەۆتىڭ تۇڭعىش ۇلى نۇربول نازارباەۆ تۋعان اكەسىنە قارسى سوتقا ارىزداندى. بۇل تۋرالى NewsRoom99 telegram-ارناسى جاريالادى، دەپ حابارلايدى “ادىرنا” ۇلتتىق پورتالى.
مالىمەت بويىنشا، مەتسەنات بولات نازارباەۆ ەندى تەك بيلىكپەن عانا ەمەس، ءوز وتباسىمەن دە سوتتاسۋدا. ونىڭ ءبىرىنشى ايەلى دۇنيەگە اكەلگەن تۇڭعىش ۇلى نۇربول نازارباەۆ اكەسى مەن بۇرىنعى ايەلى گۇلنۇر دۇيسەباەۆانى سوتقا بەردى. نۇربول نازارباەۆ ازاماتتىق سوتتان ءوزىنىڭ ار-نامىسى مەن قادىر-قاسيەتىن قورعاۋدى جانە بولات نازارباەۆتىڭ گۇلنۇرمەن نەكەسىن جارامسىز دەپ تانۋدى سۇرايدى.
ايتا كەتەيىك، بولات نازارباەۆتىڭ ۇلكەن ۇلى نۇربول نازارباەۆ قۇقىق قورعاۋ ورگاندارىندا ۇزاق جىلدار قىزمەت اتقارىپ، پوليتسيا پولكوۆنيگى شەنىنە دەيىن كوتەرىلدى. ونىڭ كوپتەگەن مەملەكەتتىك ناگرادالارى بار. دەگەنمەن، نۇربول سوڭعى جىلدارى كاسىپپەن اينالىسىپ، ءتىپتى جەتىستىككە جەتىپ ءجۇر. 2022 جىلى Forbes جۋرنالى ونى قازاقستاندىق ەڭ باي 50 بيزنەسمەننىڭ قاتارىنا قوسقان.
نۇربول وسىدان ءبىر اي بۇرىن بولات نازارباەۆ بۇرىنعى ايەلى گۇلنۇر دۇيسەباەۆانى سوتقا بەرگەن. ول سوتتان ولاردىڭ نەكەسىن زاڭسىز دەپ تانۋدى تالاپ ەتتى. ال دۇيسەباەۆا قارسى تالاپ قويدى – ول كۇيەۋىنەن بىرلەسىپ ساتىپ العان ەكى اۆتوكولىكتەن پايدا، سونداي-اق مورالدىق شىعىن مەن بالالارىنا اليمەنت ءوندىرۋ ءۇشىن 10 ميلليون تەڭگە تالاپ ەتتى. سوت ونىڭ تالابىن ءىشىنارا قاناعاتتاندىردى: نازارباەۆ تابىسىنىڭ ¼ بولىگىن بالالارىنا تولەۋگە مىندەتتەلدى. ال ولاردىڭ نەكەلەرى نازارباەۆ ءبىر مەزگىلدە ءۇش ايەلگە ۇيلەنسە دە، زاڭدى دەپ تانىلدى.
بولات نازارباەۆتى ءتىپتى ەنەسى تۇراقان قۇرمانعاليەۆا دا سوتقا بەردى. ول قوناقۇيمەن بىرگە جەر تەلىمىن سوتقا بەرمەك بولعان، بىراق كەيىن ول شەشىمىن وزگەرتىپ، تالاپ ارىزىن قايتارىپ العان.
ەسكە سالايىق، وتكەن جىلى باق ەكس-پرەزيدەنتتىڭ ءىنىسى بولات نازارباەۆتىڭ قاتتى ناۋقاستانىپ، وتا كەزىندە كلينيكالىق ولىمگە ۇشىراعانىن جازعان بولاتىن.
