لاۆروۆ ورتالىق ازيا ەلشىلەرىمەن كەزدەستى. ارال اتالعان، جايىق جوق

1243
Adyrna.kz Telegram
فوتو: ميد روسسي
فوتو: ميد روسسي

17 قاراشادا رەسەي فەدەراتسياسىنىڭ سىرتقى ىستەر ءمينيسترى س.ۆ. لاۆروۆتىڭ قازاقستان رەسپۋبليكاسىنىڭ، قىرعىز رەسپۋبليكاسىنىڭ، تاجىكستان رەسپۋبليكاسىنىڭ، تۇرىكمەنستاننىڭ، وزبەكستان رەسپۋبليكاسىنىڭ ماسكەۋدە اككرەديتتەلگەن ەلشىلەرىمەن كەزدەسۋى ءوتتى، دەپ حابارلايدى «ادىرنا» ۇلتتىق پورتالى.

ءىس-شارا بارىسىندا رەسەيدىڭ ورتالىق ازيا ءوڭىرىنىڭ ءاربىر مەملەكەتىمەن ەكىجاقتى نەگىزدە دە، تمد، ەاەو، ۇقشۇ، شىۇ سياقتى جالپى حالىقارالىق بىرلەستىكتەر شەڭبەرىندە دە ءوزارا ءىس-قيمىلىنا جان-جاقتى باعا بەرىلدى. تاراپتار ساۋدا-ەكونوميكالىق قاتىناستاردىڭ تۇراقتىلىعىن، تاۋار اينالىمىنىڭ ءوسۋىن، عىلىمي-ءبىلىم بەرۋ جانە مادەني-گۋمانيتارلىق بايلانىستاردىڭ تىعىز سيپاتىن قاناعاتتانۋشىلىقپەن اتاپ ءوتتى. قاۋىپسىزدىك پەن وڭىرلىك تۇراقتىلىقتى قوسا العاندا، ستراتەگيالىق ارىپتەستىگىمىزدىڭ بۇكىل كوپقىرلى كەشەنىنىڭ تۇراقتى دامۋى ءۇشىن جاعدايدى قامتاماسىز ەتۋگە ءوزارا بەيىلدىلىك ەرەكشە اتاپ ءوتىلدى.

وا5+رەسەي فورماتىنداعى ىنتىماقتاستىق جانە 2022 جىلعى 14 قازاندا استانا قالاسىندا وتكەن وسى تەتىكتىڭ ءبىرىنشى ءسامميتىنىڭ قورىتىندىلارىن ىسكە اسىرۋ ماسەلەلەرى جەكە قارالدى.

ءمينيستردىڭ ايتۋىنشا، ورتالىق ازيا ەلدەرى اراسىنداعى قارىم-قاتىناستا سۋ-ەنەرگەتيكالىق ماسەلەسى وتە وزەكتى بولىپ تۇر.

«بىزگە رەسەيلىك مامانداردىڭ قاتىسۋى ورتالىق ازيا ەلدەرىنە وڭتايلى شەشىمدەر تابۋعا جانە، ارينە، ايتارلىقتاي شيەلەنىستى تۋدىراتىن بىرجاقتى قادامداردان اۋلاق بولۋعا كومەكتەسۋى مۇمكىن»، - دەپ اتاپ ءوتتى لاۆروۆ.

سەرگەي لاۆروۆ رەسەيدىڭ حالىقارالىق ارالدى قۇتقارۋ قورىندا باقىلاۋشى رەتىندە قابىلداۋ تۋرالى ءوتىنىشىن قاناعاتتاندىرۋ دۇرىس شەشىم بولار ەدى دەپ سانايدى. بىراق اتالعان تىزىمدە جايىق وزەنىنىڭ اتى كورىنبەيدى.

«ادىرنا» ۇلتتىق پورتالى

پىكىرلەر