17 qarashada Reseı Federaııasynyń Syrtqy ister mınıstri S.V. Lavrovtyń Qazaqstan Respýblıkasynyń, Qyrǵyz Respýblıkasynyń, Tájikstan Respýblıkasynyń, Túrikmenstannyń, Ózbekstan Respýblıkasynyń Máskeýde akkredıttelgen elshilerimen kezdesýi ótti, dep habarlaıdy «Adyrna» ulttyq portaly.
Is-shara barysynda Reseıdiń Ortalyq Azııa óńiriniń árbir memleketimen ekijaqty negizde de, TMD, EAEO, UQShU, ShYU sııaqty jalpy halyqaralyq birlestikter sheńberinde de ózara is-qımylyna jan-jaqty baǵa berildi. Taraptar saýda-ekonomıkalyq qatynastardyń turaqtylyǵyn, taýar aınalymynyń ósýin, ǵylymı-bilim berý jáne mádenı-gýmanıtarlyq baılanystardyń tyǵyz sıpatyn qanaǵattanýshylyqpen atap ótti. Qaýipsizdik pen óńirlik turaqtylyqty qosa alǵanda, strategııalyq áriptestigimizdiń búkil kópqyrly kesheniniń turaqty damýy úshin jaǵdaıdy qamtamasyz etýge ózara beıildilik erekshe atap ótildi.
OA5+Reseı formatyndaǵy yntymaqtastyq jáne 2022 jylǵy 14 qazanda Astana qalasynda ótken osy tetiktiń birinshi Sammıtiniń qorytyndylaryn iske asyrý máseleleri jeke qaraldy.
Mınıstrdiń aıtýynsha, Ortalyq Azııa elderi arasyndaǵy qarym-qatynasta sý-energetıkalyq máselesi óte ózekti bolyp tur.
«Bizge reseılik mamandardyń qatysýy Ortalyq Azııa elderine ońtaıly sheshimder tabýǵa jáne, árıne, aıtarlyqtaı shıelenisti týdyratyn birjaqty qadamdardan aýlaq bolýǵa kómektesýi múmkin», - dep atap ótti Lavrov.
Sergeı Lavrov Reseıdiń Halyqaralyq Araldy qutqarý qorynda baqylaýshy retinde qabyldaý týraly ótinishin qanaǵattandyrý durys sheshim bolar edi dep sanaıdy. Biraq atalǵan tizimde Jaıyq ózeniniń aty kórinbeıdi.
«Adyrna» ulttyq portaly
