بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ ايەلى سالتانات نۇكەنوۆا كوز جۇمعان «گاسترو ورتالىق» وكىلدەرى مالىمدەمە جاسادى، دەپ حابارلايدى «ادىرنا» ءتىلشىسى.
مەكەمە مارقۇمنىڭ جاقىندارىنا كوڭىل ايتتى.
«سالتانات نۇكەنوۆانىڭ وتباسىنا كوڭىل ايتامىز. زورلىق-زومبىلىقتى اقتاۋعا بولمايدى. تەرگەۋ ارەكەتتەرىن بەلسەندى تۇردە جەڭىلدەتۋ ءۇشىن ناقتى قادامدار جاسالدى»،—دەلىنگەن حابارلامادا.
سونداي-اق «گاسترو ورتالىق» باسشىلىعى «BAU» مەيرامحاناسىمەن جالعا الۋ كەلىسىمىن بۇزۋ تۋرالى شەشىم قابىلدانعانىن مالىمدەدى.
«بىرلەسكەن قۇرىلتايشىلاردىڭ ءبىراۋىزدان قابىلداعان شەشىمىمەن «BAU» مەيرامحاناسىنىڭ يەلەرىمەن جالعا بەرۋ شارتى بۇزىلدى. ورتالىققا جاڭا ديرەكتور تاعايىندالدى. قازىرگى تاڭدا قاۋىپسىزدىك شارالارىن كۇشەيتۋ ماقساتىندا كەلىسسوزدەر جۇرگىزىلىپ جاتىر»،—دەدى اكىمشىلىك.
