الماتىدا وتكەن ينۆەستيتسيالىق فورۋم اياسىندا قازاقستان مەن قىتاي جالپى سوماسى 8,2 ملرد دوللاردى قۇرايتىن كەلىسىمدەرگە قول قويدى. بۇل تۋرالى اقوردا جاھدى، دەپ حاباپلايدى "ادىرنا".
«قازاقستان – قىتاي» ينۆەستيتسيالىق فورۋمى اياسىندا جالپى سوماسى 8,2 ملرد دوللار بولاتىن 50 كوممەرتسيالىق قۇجاتقا قول قويىلدى»، – دەلىنگەن حابارلامادا.
ەكىجاقتى كەلىسىمدەر اياسىندا بىرقاتار ءىرى جوبانى جۇزەگە اسىرۋ كوزدەلگەن. اباي وبلىسىندا ەلەكتروليتتىك اليۋميني وندىرەتىن زاۋىت پەن وعان ىرگەلەس جەل ەلەكتر ستانتسياسىن سالۋ جوسپارلانىپ وتىر.
سونىمەن قاتار اقمولا وبلىسىندا جالپى قۋاتى 450 مۆت بولاتىن جەل ەلەكتر ستانتسيالارىن سالۋ، سەمەي قالاسىندا اعاش-جاڭقا تاقتالارىن وندىرەتىن كاسىپورىن اشۋ جوبالارى قاراستىرىلعان.
بۇدان بولەك، «سامۇرىق-ەنەرگو» اق، China Energy Overseas Investment Co.، Ltd. جانە SANY Renewable Energy Co.، Ltd. كومپانيالارى اراسىندا بىرلەسكەن جوبانى ازىرلەۋ جوسپارلانعان.
كەلىسىمدەر شەڭبەرىندە اۆتوموبيل جاساۋ سالاسىنداعى جوبالاردى ىسكە اسىرۋ، بىرلەسكەن ينۆەستيتسيالىق قور قۇرۋ جانە باسقا دا ينۆەستيتسيالىق باستامالاردى جۇزەگە اسىرۋ كوزدەلگەن.
جالپى، قول قويىلعان كوممەرتسيالىق قۇجاتتار قازاقستان مەن قىتاي اراسىنداعى ينۆەستيتسيالىق جانە وندىرىستىك ىنتىماقتاستىقتى ودان ءارى دامىتۋعا باعىتتالعان.
