مەملەكەت باسشىسى قاسىم-جومارت توقاەۆتىڭ فرانتسياعا رەسمي ساپارى قارساڭىندا پاريجدە قازاقستان مادەنيەت جانە اقپارات ءمينيسترى ايدا بالاەۆا فرانتسيانىڭ مادەنيەت ءمينيسترى راشيدا داتيمەن كەزدەستى. ءبۇل تۋرالى مينيسترلىكتىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
كەزدەسۋ بارىسىندا تاراپتار مۋزەيلەر جانە مادەني مۇرا سالاسىنداعى ىنتىماقتاستىق نيەتى تۋرالى دەكلاراتسياسىن، سونداي-اق قازاقستان رەسپۋبليكاسىنىڭ ۇلتتىق مۋزەيى مەن گيمە مۋزەيى اراسىنداعى ءوزارا تۇسىنىستىك تۋرالى مەموراندۋمدى قوسا العاندا، بىرقاتار كەلىسىمدەرگە قول قويدى.
«قازاقتىڭ تاريحي جانە مادەني مۇراسىن جاھاندىق گۋمانيتارلىق كەڭىستىككە ناسيحاتتاۋ جانە ينتەگراتسيالاۋ — مەملەكەتتىڭ مادەني ساياساتىنداعى باسىمدىقتاردىڭ ءبىرى»، - دەدى ايدا بالاەۆا.
سونداي-اق، عىلىمي-زەرتتەۋ سالاسىنداعى ىنتىماقتاستىقتى كۇشەيتۋ جانە «Courants du Monde» باعدارلاماسى اياسىندا قازاقستاندىق ماماندارعا ارنالعان تاعىلىمدامالار ۇيىمداستىرۋ ۇسىنىلدى.
«پرەزيدەنت توقاەۆتىڭ فرانتسياعا بۇل مەملەكەتتىك ساپارى مادەنيەتكە قاتىستى كوپتەگەن ماسەلەلەردى قامتيتىنىنا قۋانىشتىمىن. بۇگىن ءبىز بىرنەشە مەموراندۋمعا قول قويامىز. بۇل اراداعى تىعىز ىنتىماقتاستىقتى كورسەتەدى. سونىمەن قاتار، گيمە مۋزەيىندە قازاقستاننىڭ ۇلتتىق كورمەسىنىڭ ۇيىمداستىرىلۋى – ءبىزدىڭ قارىم-قاتىناستارىمىزدىڭ ناقتىلىعى مەن تيىمدىلىگىنىڭ دالەلى»، – دەدى فرانتسيانىڭ مادەنيەت ءمينيسترى راشيدا داتي.
ايدا بالاەۆا قازاقستان مەن فرانتسيا اراسىنداعى قارىم-قاتىناستاردى نىعايتاتىن جاڭا بىرلەسكەن جوبالارعا نەگىز بولاتىنىنا سەنىم ءبىلدىردى.
«ءبىز كينووندىرىس سالاسى، قازىرگى زامانعى قازاق ادەبيەتىن فرانتسيادا جانە كەرىسىنشە فرانتسۋز ادەبيەتىن بىزدە تانىستىرۋ، كونتسەرتتىك ۇيىمداردىڭ ءوزارا ءىس-قيمىلى جانە بالالار كونتەنتىنە قاتىستى بىرلەسكەن مادەني ءىس-شارالار وتكىزۋ مۇمكىندىكتەرىن قاراستىرۋىمىزعا بولادى»، — دەدى ا.بالاەۆا.
ودان بولەك، مۋزەي ساراپتاماسى بويىنشا تاجىريبە الماسۋ، تاريحي مۇرانى ساقتاۋ جانە مۋزەي ىسىنە جاڭا تەحنولوگيالاردى ەنگىزۋ ماسەلەلەرى تالقىلاندى. ەكى ەلدىڭ مينيسترلەرى كرەاتيۆتى يندۋستريا، ونىڭ ىشىندە، ءسان سالاسىنداعى ىنتىماقتاستىققا قىزىعۋشىلىق تانىتتى. ايدا بالاەۆا ەتنيكالىق سانگە جانە ونىڭ الەمدىك دەڭگەيدەگى كورسەتىلىمىنە نازار اۋدارۋدى ۇسىندى.
ايتا كەتسەك، قاسىم-جومارت توقاەۆ فرانتسيا رەسپۋبليكاسىنا مەملەكەتتىك ساپارمەن بارعانىن جانە پرەزيدەنتتىڭ فرانتسۋز باسىلىمىنا ماقالا جاريالاعانىن حابارلادىق.
