2024 جىلدان باستاپ اۆتوكولىكتى مىندەتتى ساقتاندىرۋ قۇنى وزگەرەدى. بۇل تۋرالى قارجى نارىعىن رەتتەۋ جانە دامىتۋ اگەنتتىگى مالىمدەدى، دەپ حابارلامايدى «ادىرنا» ءتىلشىسى.
باسقارمانىڭ ايتۋىنشا، ەندى ساقتاندىرۋ قۇنىنا كولىك قۇرالى تىركەلگەن وڭىردەگى اپاتتى جاعدايلار دەڭگەيى ىقپال ەتپەك. ايماقتا اپاتتى وقيعا از بولعان سايىن ساقتاندىرۋ ءتاريفى دە از بولادى.
«اۆتوكولىكتى ساقتاندىرۋ قۇنىن انىقتاۋدىڭ جاڭا ءتارتىبى وڭىردەگى اپاتتىلىق دەڭگەيىنە قاراي ولارعا تۇزەتۋ كوەففيتسيەنتتەرىن قولدانۋ ارقىلى كولىك قۇرالى تىركەلگەن ءوڭىردىڭ ولشەمىن تۇزەتۋدى كوزدەيدى. تۇزەتۋ كوەففيتسيەنتتەرى ساقتاندىرۋ جونىندەگى بىرىڭعاي دەرەكقورداعى اۆتوماتتاندىرىلعان ەسەپتەۋ ارقىلى جىل سايىن ايقىندالاتىن بولادى. بۇل رەتتە بارلىق قولدانىستاعى وزگە دە ولشەمشارتتار، ونىڭ ىشىندە كولىك جۇرگىزۋ تاريحى ساقتالادى»، - دەدى اگەنتتىكتىڭ ءباسپاسوز قىزمەتى.
قازاقستاننىڭ 11 وڭىرىندە اۆتوكولىكتى ساقتاندىرۋ قۇنى تومەندەيدى دەپ بولجالىپ وتىر. ولاردىڭ قاتارىندا الماتى قالاسى مەن اتىراۋ وبلىسى بار. ال جەتى ايماقتا ساقتاندىرۋ باعاسى، كەرىسىنشە، ارتۋى مۇمكىن. قاراعاندى جانە ۇلىتاۋ وبلىستارىندا ساقتاندىرۋ قۇنى وزگەرىسسىز قالادى دەپ كۇتىلۋدە.
