2024 jyldan bastap avtokölıktı mındettı saqtandyru qūny özgeredı. Būl turaly Qarjy naryǧyn retteu jäne damytu agenttıgı mälımdedı, dep habarlamaidy «Adyrna» tılşısı.
Basqarmanyŋ aituynşa, endı saqtandyru qūnyna kölık qūraly tırkelgen öŋırdegı apatty jaǧdailar deŋgeiı yqpal etpek. Aimaqta apatty oqiǧa az bolǧan saiyn saqtandyru tarifı de az bolady.
«Avtokölıktı saqtandyru qūnyn anyqtaudyŋ jaŋa tärtıbı öŋırdegı apattylyq deŋgeiıne qarai olarǧa tüzetu koeffisientterın qoldanu arqyly kölık qūraly tırkelgen öŋırdıŋ ölşemın tüzetudı közdeidı. Tüzetu koeffisientterı Saqtandyru jönındegı bıryŋǧai derekqordaǧy avtomattandyrylǧan esepteu arqyly jyl saiyn aiqyndalatyn bolady. Būl rette barlyq qoldanystaǧy özge de ölşemşarttar, onyŋ ışınde kölık jürgızu tarihy saqtalady», - dedı agenttıktıŋ baspasöz qyzmetı.Qazaqstannyŋ 11 öŋırınde avtokölıktı saqtandyru qūny tömendeidı dep boljalyp otyr. Olardyŋ qatarynda Almaty qalasy men Atyrau oblysy bar. Al jetı aimaqta saqtandyru baǧasy, kerısınşe, artuy mümkın. Qaraǧandy jäne Ūlytau oblystarynda saqtandyru qūny özgerıssız qalady dep kütılude.
Ūqsas jaŋalyqtar
