2024 jyldan bastap avtokólikti mindetti saqtandyrý quny ózgeredi. Bul týraly Qarjy naryǵyn retteý jáne damytý agenttigi málimdedi, dep habarlamaıdy «Adyrna» tilshisi.
Basqarmanyń aıtýynsha, endi saqtandyrý qunyna kólik quraly tirkelgen óńirdegi apatty jaǵdaılar deńgeıi yqpal etpek. Aımaqta apatty oqıǵa az bolǵan saıyn saqtandyrý tarıfi de az bolady.
«Avtokólikti saqtandyrý qunyn anyqtaýdyń jańa tártibi óńirdegi apattylyq deńgeıine qaraı olarǵa túzetý koeffııentterin qoldaný arqyly kólik quraly tirkelgen óńirdiń ólshemin túzetýdi kózdeıdi. Túzetý koeffııentteri Saqtandyrý jónindegi biryńǵaı derekqordaǵy avtomattandyrylǵan esepteý arqyly jyl saıyn aıqyndalatyn bolady. Bul rette barlyq qoldanystaǵy ózge de ólshemsharttar, onyń ishinde kólik júrgizý tarıhy saqtalady», - dedi agenttiktiń baspasóz qyzmeti.
Qazaqstannyń 11 óńirinde avtokólikti saqtandyrý quny tómendeıdi dep boljalyp otyr. Olardyń qatarynda Almaty qalasy men Atyraý oblysy bar. Al jeti aımaqta saqtandyrý baǵasy, kerisinshe, artýy múmkin. Qaraǵandy jáne Ulytaý oblystarynda saqtandyrý quny ózgerissiz qalady dep kútilýde.
