بۇگىن الماتىداعى ساياسي قۋعىن-سۇرگىن قۇرباندارىن ەسكە الۋ ەسكەرتكىشىنە قالا تۇرعىندارى جينالاتىن كۇن. كەسىرلى كەڭەس كەزىندەگى ستاليندىك رەپرەسسيانىڭ، سوۆەتتىك قىزىل ماشينانىڭ استىندا ۇلت قايماقتارى جانىشتالعان بولاتىن.
كەلەشەگىمدى كەمەلدى، ۇلتىمدى بەدەلدى ەتەمىن دەپ اتقا قونعان الاش ارىستارىنىڭ ىشىنەن ىلەۋدە بىرەۋى بولماسا، قاندى قاساپتان ەشقايسىسى قۇتىلمادى.
سول ارىستاردى ەسكە ساقتاۋ ماقساتىندا "اباي" ۇلتتىق پورتالى مەن "ادىرنا" ۇلتتىق پورتالى الاش قايراتكەرلەرىنىڭ پورترەتتەرىمەن قۇرباندار ەسكەرتكىشىنە بارىپ، بوزداقتار رۋحىنا ءتاۋ ەتتى. جينالعان كوپشىلىك جۋرناليستەردىڭ قولىنداعى پورترەتتەرمەن فوتوعا ءتۇسىپ، وسى باستامانىڭ جىلدان-جىلعا قۇلاشىن كەڭ جايسا دەگەن تىلەگىن ءبىلدىردى.
"الاش تۋى استىندا،
كۇن سونگەنشە سونبەيمىز.
ەندى الاشتى ەشكىمنىڭ،
قورلىعىنا بەرمەيمىز.
جاساسىن، الاش، جاساسىن!!!
[video width="1280" height="720" mp4="https://adyrna.kz/content/uploads/2019/05/fg.mp4"][/video]
وكىنىشتىسى، "ماڭگىلىك پولك" دەپ، جارتى كۇن قالادا ەرسىلى-قارسىلى اعىلعان جۇرتشىلىقتىڭ، ۇلتتىڭ قارالى پاراعىنا اينالعان كۇنى توبە كورسەتپەگەنى بۇل ءبىزدىڭ ۇلتتىق سانامىزدىڭ قانشالىقتى دەڭگەيدە ەكەنىن كورسەتسە كەرەك. بىلە بىلسەك، بۇگىنگى ۇرپاق ءۇشىن اشارشىلىقتا ولگەن ءار قازاق اتا-باباسى. سول ءۇشىن 31 مامىر ءار قازاقتىڭ شاڭىراعىنداعى قارالى كۇن. الماتى قالاسىنىڭ اكىمى باۋىرجان بايبەك قاتىسقان جيىن 20 مينۋتتان دا اسپادى. بولاشاقتا وسى باعىتتا يدەولوگياعا جاۋاپتى ورگاندار جۇمىستار اتقارسا.
"ادىرنا" ۇلتتىق پورتالى
