Búgin Almatydaǵy saıası qýǵyn-súrgin qurbandaryn eske alý eskertkishine qala turǵyndary jınalatyn kún. Kesirli Keńes kezindegi Stalındik repressııanyń, sovettik qyzyl mashınanyń astynda ult qaımaqtary janyshtalǵan bolatyn.
Keleshegimdi kemeldi, ultymdy bedeldi etemin dep atqa qonǵan Alash arystarynyń ishinen ileýde bireýi bolmasa, qandy qasaptan eshqaısysy qutylmady.
Sol arystardy eske saqtaý maqsatynda "Abaı" ulttyq portaly men "Adyrna" ulttyq portaly Alash qaıratkerleriniń portretterimen qurbandar eskertkishine baryp, bozdaqtar rýhyna táý etti. Jınalǵan kópshilik jýrnalısterdiń qolyndaǵy portrettermen fotoǵa túsip, osy bastamanyń jyldan-jylǵa qulashyn keń jaısa degen tilegin bildirdi.
"Alash týy astynda,
Kún sóngenshe sónbeımiz.
Endi Alashty eshkimniń,
Qorlyǵyna bermeımiz.
Jasasyn, Alash, jasasyn!!!
[video width="1280" height="720" mp4="https://adyrna.kz/content/uploads/2019/05/fg.mp4"][/video]
Ókinishtisi, "Máńgilik polk" dep, jarty kún qalada ersili-qarsyly aǵylǵan jurtshylyqtyń, ulttyń qaraly paraǵyna aınalǵan kúni tóbe kórsetpegeni bul bizdiń ulttyq sanamyzdyń qanshalyqty deńgeıde ekenin kórsetse kerek. Bile bilsek, búgingi urpaq úshin asharshylyqta ólgen ár qazaq ata-babasy. Sol úshin 31 mamyr ár qazaqtyń shańyraǵyndaǵy qaraly kún. Almaty qalasynyń ákimi Baýyrjan Baıbek qatysqan jıyn 20 mınýttan da aspady. Bolashaqta osy baǵytta ıdeologııaǵa jaýapty organdar jumystar atqarsa.
"Adyrna" ulttyq portaly
