بەلگىلى زاڭگەر ابزال قۇسپان “قاڭتار وقيعاسىنىڭ” بولۋىنا ءدىني ەكسترەميزمنىڭ دە اسەرى بولدى دەگەن پىكىردە. بۇل تۋرالى ول “ادىرنا” ۇلتتىق پورتالىنىڭ “تارازى” يۋتۋب باعدارلاماسىندا ايتىپ بەردى.
“ەگەر ءبىز “جاڭا قازاقستاندى” قۇرعىمىز كەلسە، ءبىرىنشى كەزەكتە ءدىني ەكسترەميزم دەگەن ماسەلەنى ءتۇپ-تامىرىمەن قۇرتۋ كەرەك. ول ءۇشىن ولاردىڭ بىردەڭە ءبۇلدىرىپ وتىرعانىن كۇتىپ وتىرۋدىڭ قاجەتى جوق! الدىن الۋىمىز كەرەك، سەبەبىن انىقتاۋىمىز كەرەك. ۇيىمداستىرۋشىلاردان باستاپ، اداسقان جولدا جۇرگەن ازاماتتاردى جاۋاپكەرشىلىككە تارتىپ، ءوزىمىزدىڭ قوعامعا بەيىمدەۋىمىز كەرەك. باتىل شارالاردى قولعا الۋىمىز كەرەك”، - دەدى ول.
سونداي-اق،زاڭگەر ءدىن مەن مادەنيەتتىڭ الشاقتىعى تۋرالى سۇراققا دا جاۋاپ بەردى.
“يسلام ءدىنىن ءبىزدىڭ مادەنيەتىمىزگە قارسى قويۋعا بولمايدى. بۇل قاتە ۇستانىم. جەكە ءوز باسىنڭىز ۇستانباساڭىز دا، ول پىكىردى وزگە ادامدارعا كۇشتەپ تانۋعا بولمايدى. ول شاتىسۋعا اكەلەدى.
سوسىن تاڭىرشىلدىكتى ءدىن رەتىندە قاراۋعا بولمايدى. ول دىننەن كورى، مادەنيەتكە كوبىرەك جاتادى دەپ ەسەپتەيمىن…. “،- دەدى ابزال قۇسپان
