توقاەۆ ارمەنياعا اسكەر جىبەرۋدەن باس تارتتى

2641
Adyrna.kz Telegram
فوتو: Akorda.kz
فوتو: Akorda.kz

قازاقستان پرەزيدەنتى قاسىم-جومارت توقاەۆ ۇجىمدىق قاۋىپسىزدىك تۋرالى شارت ۇيىمى ۇجىمدىق قاۋىپسىزدىك كەڭەسىنىڭ كەزەكتەن تىس سەسسياسىنا قاتىستى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.

ارمەنيا رەسپۋبليكاسىنىڭ ۇسىنىسىمەن وتكەن وتىرىس بەينە بايلانىس رەجيمىندە ءوتتى.

سونىمەن قاتار سامميتكە قىرعىزستان پرەزيدەنتى سادىر جاپاروۆ، رەسەي پرەزيدەنتى ۆلاديمير پۋتين، تاجىكستان پرەمەر-ءمينيسترى كوحير راسۋلزودا، ارمەنيا پرەمەر-ءمينيسترى نيكول پاشينيان، بەلارۋس قاۋىپسىزدىك كەڭەسىنىڭ مەملەكەتتىك حاتشىسى الەكساندر ۆولفوۆيچ، ۇقشۇ باس حاتشىسىنىڭ ورىنباسارى ۆالەري سەمەريكوۆ قاتىستى.

مەملەكەتتەر باسشىلارى ازەربايجان-ارميان مەملەكەتتىك شەكاراسىندا بولعان وقيعالارعا قاتىستى ارمەنيا پرەمەر-ءمينيسترىنىڭ مالىمەتىن تىڭدادى.

قازاقستان پرەزيدەنتى سەسسياعا قاتىسۋشىلار الدىندا سويلەگەن سوزىندە قاقتىعىستى تەك ساياسي-ديپلوماتيالىق جولدارمەن شەشۋ قاجەت ەكەنىن اتاپ ءوتتى.

قاسىم-جومارت توقاەۆ جاعدايدى تۇراقتاندىرۋ ءۇشىن مۇمكىن بولعان بارلىق شارانى قابىلداۋعا، كۇشتىك قۇرىلىمداردى پايدالانۋدان باس تارتۋعا، شۇعىل تۇردە كەلىسسوز جۇرگىزۋگە شاقىردى.

”ادىرنا” ۇلتتىق پورتالى 

پىكىرلەر