استانانىڭ وتىن-ەنەرگەتيكا كەشەنى جانە كوممۋنالدىق شارۋاشىلىق باسقارماسىنىڭ باسشىسى ۇستالدى. بۇل اقپاراتتى انتيكوردىڭ ءباسپاسوز قىزمەتى راستادى، دەپ حابارلايدى “ادىرنا” ۇلتتىق پورتالى.
استانا قالاسى بويىنشا سىبايلاس جەمقورلىققا قارسى قىزمەت وتىن-ەنەرگەتيكا كەشەنى جانە كوممۋنالدىق شارۋاشىلىق باسقارماسى باسشىسىنىڭ قىلمىستىق ارەكەتىنىڭ جولىن كەستى. سوت سانكتسياسىمەن كۇدىكتى ۋاقىتشا ۇستاۋ يزولياتورىنا قامالدى، – دەلىنگەن انتيكور ءباسپاسوز قىزمەتى مالىمدەمەسىندە.
ەلوردالىق سوتتىڭ ءباسپاسوز قىزمەتى 2023 جىلدىڭ 11 قاراشاسىندا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتىنىڭ ۇستىنەن ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسىن سانكتسيالاعانىن حابارلادى.
