ەلىمىزدىڭ ماڭىزدى ءارى باس قالاسى استانانىڭ بيىل 25 جىلدىق مەرەيتويى تويلانعالى جاتىر. مەرەكەنى باس قالا قالاي تويلاماق؟ “ادىرنا” پورتالى نازارلارىڭىزعا بەيبىتشىلىك قالاسى سانالعان استانادا وتەتىن مەرەكەلىك شارالاردى ۇسىنادى.
6 شىلدە - قازاقستاندا استانا كۇنى مەرەكەسى. بۇل داتالى كۇن كەزىندە پرەزيدەنت نۇرسۇلتان نازارباەۆتىڭ 1998 جىلدىڭ 6 مامىرىنداعى جارلىعىمەن، ياعني، اقمولا قالاسىنىڭ اتاۋى رەسمي استانا بولىپ وزگەرتىلۋىنە بايلانىستى 10 ماۋسىمدا تويلانعان. الايدا 2008 جىلدان نۇرسۇلتان نازارباەۆتىڭ تۋعان كۇنىنە – شىلدەنىڭ 6-سىنان باستاپ استانا كۇنى اۋىستىرىلىپ، قازاقستاندا مەملەكەتتىك مەرەكە بولىپ جاريالاندى. وسىلايشا 2009 جىلدان باستاپ شىلدەنىڭ 6-سى بارشا قازاقستاندىقتار قوس مەرەكەنى تويلاتىپ، 1 كۇن دەمالادى.
اتاۋلى مەرەكەگە وراي:
1 شىلدە - امفيتەاتردا «ايالاعان استانا» مۋزىكالىق بايقاۋدىڭ گالا-كونتسەرتى;
2 شىلدە - ەكسپو الاڭىندا كوپشىلىككە «دومبىرا داستان» شوۋ-كونتسەرتى;
3 شىلدە - بەيبىتشىلىك جانە كەلىسىم سارايىندا «التىن مۇرا» اتتى قازاقستاننىڭ ەڭ ۇزدىك ءداستۇرلى ءانشى، كۇيشى، جىرشىلارىنىڭ باسىن قوسقان مەرەكەلىك كونتسەرت;
4 شىلدە - «استانا» كونتسەرت زالىندا كورەرمەن ءسۇيىپ كورەتىن «ءازىل الەمى» مۋزىكالىق ءازىل-ىسقاق كەشى;
5 شىلدە - امفيتەاتردا «ەلوردا اۋەنى» شوۋ-كونتسەرتى وتەدى. مەرەكەلىك ءىس-شارادا جاستاردىڭ كوزايىمىنا اينالعان «NE PROSTO ORCHESTRA»، Ratovich, باعجان وكتيابر سىندى بىرقاتار ارتىستەر ونەر كورسەتپەك.
5-6 شىلدە كۇندەرى ەكسپو الاڭىندا بالالار مەن ەرەسەكتەرگە ارنالعان «گۇل استانا» ەكو فەستيۆالى;
6 شىلدە - ەكسپو الاڭىندا OPEN AIR, ياعني اشىق اسپان استىنداعى مەرەكەلىك كونتسەرت ۇيىمداستىرىپ جاتىر. شارادا وتاندىق بىرقاتار ەسترادا جۇلدىزدارى ونەر كورسەتەدى دەپ جوسپارلانۋدا.
7 شىلدە كۇنى تاڭعى 11:00-دە كىتاپ سۇيەر وقىرمانعا ارنالعان ەكسپو الاڭىندا “Kitap fest ASTANA” كىتاپ دۋمانى;
8 جانە 9 شىلدە كۇندەرى استانالىق ساياباقتاردىڭ بىرىندە “Jubilee Food Truck” اتتى كوشە تاعامدارىنىڭ فەستيۆالى وتكەلى جاتىر.
ەسكە سالاتىن جاي، 6 شىلدە — بۇرىنعى پرەزيدەنت نۇرسۇلتان نازارباەۆتىڭ تۋعان كۇنى. قارت ساياساتكەر بيىل 83-كە تولادى.
رەداكتسيا تاڭداۋى
