Astana Motors Manufacturing Kazakhstan زاۋىتى العاشقى Chery, Changan جانە Haval ماركالى كولىكتەرىن شىعارىپ، رەسمي تۇردە جۇمىسىن باستادى، دەپ حابارلايدى “ادىرنا” ۇلتتىق پورتالى.
وسىعان وراي كومپانيا اتالعان برەندتەردىڭ باعاسىن 7–15%-عا تومەندەتەتىنىن مالىمدەدى.
Astana Motors نەگىزىن قالاۋشى نۇرلان سماعۇلوۆتىڭ ايتۋىنشا، ءوندىرىستى جەرگىلىكتەندىرۋ كولىكتەردىڭ وزىندىك قۇنىن ارزانداتىپ، ولاردى حالىققا قولجەتىمدى ەتەدى.
ء«بىز مەملەكەتپەن كەلىسىم اياسىندا ءوندىرىستىڭ 30%-ىن تولىق تسيكلدىك ادىسپەن (دانەكەرلەۋ، بوياۋ) جۇزەگە اسىرۋعا مىندەتتىمىز. بۇل ءوز كەزەگىندە باعانى تومەندەتۋگە مۇمكىندىك بەردى»، – دەدى ول.
جاڭا زاۋىتتىڭ وندىرىستىك قۋاتى جىلىنا 120 مىڭ كولىكتى قۇرايدى. قازىرگى تاڭدا 1700 ادام ەڭبەك ەتۋدە. ال تولىق قۋاتقا شىققاندا 3600 جۇمىس ورنى اشىلادى دەپ كۇتىلەدى.
جوبانىڭ جالپى ينۆەستيتسيا كولەمى – 202 ملرد تەڭگە. ونىڭ 37%-ى كومپانيانىڭ ءوز قارجىسى بولسا، 63%-ى قازاقستان دامۋ بانكى مەن ونەركاسىپتى دامىتۋ قورى ارقىلى 9% مولشەرلەمەمەن 15 جىلعا بەرىلگەن قايتارىمدى نەسيە.
ەستەرىڭىزگە سالا كەتەيىك، زاۋىت قۇرىلىسىنا مەملەكەت باسشىسى قاسىم-جومارت توقاەۆ 2022 جىلى الماتىعا جاساعان ساپارى كەزىندە باستاماشى بولعان.
