قر مادەنيەت جانە اقپارات ءمينيسترى ايدا بالاەۆا بارلىق ماراپاتتارىنان باس تارتقان ءانشى ءالي وقاپوۆتىڭ ارەكەتىنە قاتىستى تاعى دا مالىمدەمە جاسادى، دەپ جازادى "ادىرنا".
ايدا عالىمقىزى وقاپوۆتىڭ "قۇرمەت" وردەنىن قايتارۋ نيەتىن جاعىمسىز جايت دەپ اتادى.
ء"الي وقاپوۆ ءوز تاراپىنا ايتىلعان الەۋمەتتىك جەلىدەگى حەيتكە ەموتسيونالدى تۇردە جاۋاپ بەردى. قازىر قوعامدا ساراپشىلار قاپتاپ كەتتى. بارلىق جاعدايعا پىكىر ءبىلدىرىپ وتىراتىندار جەتەدى. سوندىقتان دا، ءالي وقاپوۆپەن اڭگىمەلەستىك. ول اتالمىش جاعدايدى شىعارماشىلىق ادام رەتىندە ەموتسيانالدى تۇردە قابىلدادى. قازىر ول ءوز-وزىنە كەلدى جانە ماسەلە شەشىلدى دەۋگە كەلەدى" دەدى ول.
ەسكە سالا كەتەيىك، 27 قازان كۇنى ءانشى ءالي وقاپوۆ ءوزىنىڭ بارلىق مۋزىكالىق ماراپاتتارىنان باس تارتقان بولاتىن. بۇل شەشىمگە ونى "قۇرمەت" وردەنىن العاننان كەيىنگى حالىقتىڭ جاعىمسىز پىكىرى يتەرمەلەدى. رەسپۋبليكا كۇنى قارساڭىندا پرەزيدەنت توقاەۆ ەلىمىزدەگى بىرقاتار ءارتىستى مەملەكەتتىك ناگرادالارمەن ماراپاتتاعان بولاتىن.
ۇقساس جاڭالىقتار
