ءانشى روزا رىمباەۆا قازاقستاننان شەتەلگە ۇشۋعا تىرىسقاندا قارسىلىققا تاپ بولدى. ونىڭ شەتەلگە شىعۋىنا بۇل جولى رۇقسات ەتىلمەگەنى حابارلاندى، دەپ جازادى "ادىرنا" ۇلتتىق پورتالى.
روزا رىمباەۆا الەۋمەتتىك جەلىلەردە بۇعان قاتىستى:
"ازىربايجانداعى بارلىق دوستارىمنان مۇنداي كەلەڭسىز جاعداي بولعانى ءۇشىن كەشىرىم سۇرايمىن. ماعان قۇجاتتارىمدى دۇرىستاپ قاراپ، تەكسەرۋ قاجەت ەدى", – دەپ جازدى.
روزا رىمباەۆا مەن ۇلى ءالي وقاپوۆ الەۋمەتتىك جەلىلەردە ءانشىنىڭ قازاقستاننان نەگە ۇشىپ كەتە الماعانىنا قاتىستى جازبا ءبولىستى. جازبادا روزا رىمباەۆانىڭ شاتاسىپ، وزىمەن بىرگە ۇلى ءمادي رىمباەۆتىڭ تولقۇجاتىن الىپ كەتكەنى ايتىلادى.
قازاقستاننىڭ حالىق ءارتىسى باكۋدە وتەتىن ۇيلەنۋ تويىنا بارۋعا قامدانعان. ءانشى الماتىدان استاناعا ەش كەدەرگىسىز ۇشقان، الايدا حالىقارالىق باعىتتا ساپارعا شىقپاق بولعاندا كەدەرگىگە تاپ بولعان. شەكارا قىزمەتىنىڭ ماماندارى رىمباەۆانىڭ قازاقستاننان ۇشىپ شىعۋىنا مۇمكىندىك بەرسە دە، ءازىربايجان تاراپىنىڭ مۇنداي قاتەلىكتى كەشىرمەيتىنىن ايتىپ، كەرى قايتارعان.
"ادىرنا" ۇلتتىق پورتالى
