حوستەلدەگى ءورت. ۇكىمەتتىك كوميسسيا قۇرىلدى

الماتىداعى حوستەلدەگى ءورتتىڭ شىعۋ سەبەپتەرىن تەكسەرۋ جونىندەگى ۇكىمەتتىك كوميسسيا قۇرىلدى، دەپ حابارلايدى “ادىرنا” ۇلتتىق پورتالى.

ونىڭ قۇرامىنا مەملەكەتتىك جانە قۇقىق قورعاۋ ورگاندارىنىڭ باسشىلارى، سونداي-اق الماتى اكىمدىگىنىڭ وكىلدەرى كىردى. كوميسسيا توراعاسى توتەنشە جاعدايلار ءمينيسترى سىرىم ءشارىپحانوۆ وقيعا ورنىنا شۇعىل اتتاندى. ۇكىمەتتىك كوميسسيا ءورت سالدارىنان بولعان قايعىلى جاعدايدىڭ سەبەپتەرىن جان-جاقتى تەكسەرۋ جۇمىستارىنا دەرەۋ كىرىسىپ، زارداپ شەككەندەرگە ءبىرىنشى كەزەكتەگى كومەك كورسەتەدى. حوستەلدەگى ورتكە بايلانىستى ۇكىمەت كوميسسياسى قۇرىلدى. ايتا كەتەيىك، رەسمي دەرەك بويىنشا، حوستەل ورنالاسقان عيمارات 1956 جىلى سالىنعان. حوستەلدەن بولەك، وندا تۇرعىن ءۇي ورنالاسقان. رەسمي اقپارات بويىنشا، حوستەلدىڭ اشىلعانىنا 1,5 اي بولعان. ەسكە سالساق، بۇعان دەيىن حابارلاعانىمىزداي، بۇگىن تاڭەرتەڭ الماتىدا ورنالاسقان حوستەلدەردىڭ بىرىنەن ءورت شىعىپ، 13 ادامدى اجال قۇشتى.