مەملەكەت باسشىسىنىڭ تاپسىرماسى بويىنشا ءىىم 23 قاڭتاردان 30 ماۋسىمعا دەيىن ەلىمىزگە 2022 جىلدىڭ 1 قىركۇيەگىنە دەيىن اكەلىنگەن شەتەلدىك اۆتوكولىكتەردى زاڭداستىرۋعا وتىنىمدەر قابىلدادى، دەپ حابارلايدى «ادىرنا» ۇلتتىق پورتالى ۆەدومستۆو مالىمەتىنە سىلتەمە جاساپ.
ەلىمىزگە 2022 جىلدىڭ 1 قىركۇيەگىنەن كەيىن اكەلىنگەن كولىك قۇرالدارى زاڭداستىرۋعا جاتپايدى. بارلىعى 237 مىڭنان استام شەتەلدىك اۆتوكولىك زاڭداستىرىلدى.
«ءبىر رەتتىك زاڭداستىرۋدى ەسكەرە وتىرىپ، اۆتوكولىك يەلەرىنە 2023 جىلدىڭ 1 شىلدەسىنە دەيىن زاڭداستىرۋعا بەرىلگەن وتىنىمدەر 31 جەلتوقسانعا دەيىن عانا قارالاتىنىن حابارلايمىز. بۇگىندە نورماتيۆتىك قۇقىقتىق اكتىلەرگە ءتيىستى وزگەرىستەر ەنگىزىلىپ جاتىر. ياعني، شەتەلدىك اۆتوكولىكتەردى زاڭداستىرۋعا ەكى ايدان از ۋاقىت قالدى. ۋاقىتتىڭ شەكتەۋلى ەكەنىن ەسكەرە وتىرىپ، ءبىز اۆتوكولىك يەلەرىن زاڭداستىرۋ پروتسەسىن اياقتاۋعا جانە كولىك قۇرالدارىن تىركەۋگە شاقىرامىز»، – دەدى قر ءىىم اپك باسقارما باستىعىنىڭ ورىنباسارى التىنبەك جاماليەۆ.
«ادىرنا» ۇلتتىق پورتالى
