Memleket basshysynyń tapsyrmasy boıynsha IIM 23 qańtardan 30 maýsymǵa deıin elimizge 2022 jyldyń 1 qyrkúıegine deıin ákelingen sheteldik avtokólikterdi zańdastyrýǵa ótinimder qabyldady, dep habarlaıdy «Adyrna» ulttyq portaly vedomstvo málimetine silteme jasap.
Elimizge 2022 jyldyń 1 qyrkúıeginen keıin ákelingen kólik quraldary zańdastyrýǵa jatpaıdy. Barlyǵy 237 myńnan astam sheteldik avtokólik zańdastyryldy.
«Bir rettik zańdastyrýdy eskere otyryp, avtokólik ıelerine 2023 jyldyń 1 shildesine deıin zańdastyrýǵa berilgen ótinimder 31 jeltoqsanǵa deıin ǵana qaralatynyn habarlaımyz. Búginde normatıvtik quqyqtyq aktilerge tıisti ózgerister engizilip jatyr. Iaǵnı, sheteldik avtokólikterdi zańdastyrýǵa eki aıdan az ýaqyt qaldy. Ýaqyttyń shekteýli ekenin eskere otyryp, biz avtokólik ıelerin zańdastyrý proesin aıaqtaýǵa jáne kólik quraldaryn tirkeýge shaqyramyz», – dedi QR IIM ÁPK basqarma bastyǵynyń orynbasary Altynbek Jamalıev.
«Adyrna» ulttyq portaly
