الماتى – وسكەمەن تاسجولىندا جانتۇرشىگەرلىك جول اپاتى ورىن الدى، دەپ جازادى "ادىرنا. وقيعا 18 شىلدەدە ساعات 18:20 شاماسىندا بولعان. جۇرگىزۋشى ءرولدى باسقارا الماعاندىقتان كولىك جول جيەگىندەگى تەمىردىڭ ورتاسىنا كىرىپ كەتكەن.
الماتى وبلىسى پوليتسيا باسقارماسى وقيعاعا قاتىستى تۇسىنىك بەردى.
"26 جاستاعى Toyota اۆتوكولىگىنىڭ جۇرگىزۋشىسى الماتى-وسكەمەن تاسجولىنىڭ 109 شاقىرىمىندا كەلە جاتىپ، ءرولدى باسقارا الماي، جول جيەگىندەگى تەمىرگە سوعىلعان. بۇل دەرەك قوناەۆ اتىنداعى پب-دە قىلىمىستىق كودەكستىڭ 345-بابى بويىنشا تىركەلدى. ساراپتامالىق تەكسەرۋلەر تاعايىندالىپ، تەرگەۋ امالدارى جۇرگىزىلىپ جاتىر", – دەلىنگەن حابارلامادا.
جول اپاتى سالدارىنان جۇرگىزۋشى جانساقتاۋ بولىمىندە العان جاراقاتتارىنان قايتىس بولدى، ەكى جولاۋشى زارداپ شەكتى. ەكى جولاۋشى دا قوناەۆتاعى اۋرۋحاناعا جاتقىزىلدى.
پوسموترەت ەتۋ پۋبليكاتسيۋ ۆ Instagram
جەلىدەگىلەردىڭ ايتۋىنشا، قازا تاپقان جۇرگىزۋشى جاتتىقتىرۋشى بولعان.
"بالامنىڭ فۋتبولدان جاتتىقتىرۋشىسى قازا تاپتى. 97 جىلعى ەدى، جۇرگىزۋشى كولىك ايداپ ۇيىقتاپ كەتىپتى. يماندى بولسىن", "ۇيقى قىسسا ۇيىقتاپ العان دۇرىس جولدا، ماڭگى ۇيقىعا كەتكەنشە", "جولدا بارا جاتقان كەزدە كوپ جەردە بەيىت بار، سول جەرلەردە اسىقپاي قول جايىپ، بار بىلگەنىن وقىپ ءوتۋ كەرەك، كوپ جەردە بايقايمىن، بەيىتتىڭ جانىنان باسىپ ايدايدى", – دەپ جازعان پىكىر قالدىرعانداردىڭ ءبىرى.
