قازاقستاندا اقبوكەندەردى سوياتىن جەتى ەت كومبيناتى انىقتالدى. بۇل تۋرالى اۋىل شارۋاشىلىعى ءمينيسترى ايداربەك ساپاروۆ ايتتى، دەپ حابارلايدى «ادىرنا» ۇلتتىق پورتالى.
«جالپى، كيىكپەن ەكولوگيا مينيسترلىگى اينالىساتىنىن بىلەسىزدەر. تاياۋدا عانا ەت كومبيناتتارى اينالىساتىنى تۋرالى شەشىم قابىلدانعان بولاتىن. اڭشىلىق شارۋاشىلىعى دا اينالىسادى. اۋىل شارۋاشىلىعى مينيسترلىگى رەتىندە ءبىزدىڭ جۇمىسىمىز – ۆەتەرينارلىق قاۋىپسىزدىكتى قامتاماسىز ەتۋ»، - دەدى مينيستر ۇكىمەت وتىرىسىنان كەيىنگى ءباسپاسوز ءماسليحاتىندا.ونىڭ سوزىنشە، كيىك ەتى جەتكىزىلەتىن ەت كومبيناتتارى انىقتالعان.
«ءبىز جەتى ەت كومبيناتىن انىقتادىق. ول جەردە ۆەتەرينارلار بار. ولار ءونىم ساپاسىنىڭ تولىق ساي كەلەتىندىگىن انىقتاپ، ۆەتەرينارلىق قاۋىپسىزدىككە جاۋاپ بەرەدى. ال قايدا وتكىزىپ، ساتاتىندىعىمىزعا بايلانىستى مونيتورينگ جۇرگىزىپ جاتىرمىز. ونى كەيىن قوسىمشا حابارلايمىز»، - دەدى ايداربەك ساپاروۆ.
«ادىرنا» ۇلتتىق پورتالى
