جەلىدە يزرايل تاۋارلارىنا قارسى بويكوت جاريالاعان ۆيدەو پايدا بولدى. ۆيدەودا «ءبىز كولادان باس تارتامىز دەپ» بەلگىسىز بىرەۋ دۇكەندەگى تاۋارلاردى بۇلدىرگەن. بۇل تۋرالى زاڭگەر ايگۇل ورىنبەك ينستاگرام پاراقشاسىندا جازدى، دەپ حابارلايدى «ادىرنا» ۇلتتىق پورتالى.
«قر باس پروكۋراتۋراسى، ۇلتتىق قاۋىپسىزدىك كوميتەتى، قر ىشكى ىستەر مينيسترلىگى! مىنا جىگىتتىڭ ءىس ارەكەتى مەن سوزدەرىن سارالايتىن بولساق، قىلمىستىق كودەكستىڭ 174 بابىنا ساي ءىس اشۋ كەرەك! ەلدىڭ الدىندا جۇرگەن سوڭ، ءوزىنىڭ ەموتسياسىن ۇستاپ ۇيرەنسىن. حالىقتى نەگە شاقىرىپ وتىر؟ داعىستانداعىداي توڭكەرىسكە مە؟ بۇل جىگىتتى كورەتىن جاستار، دۇكەندەرگە شابۋىلداپ كوكا-كولا سورەلەرىن قيراتىپ، سويقانداعانىن كۇتىپ وتىرسىڭدار ما؟ پالەستينا ءۇشىن ءبارىمىزدىڭ جۇرەگىمىز اۋىرىپ وتىر، بىراق حالىقتى قۇقىقبۇزۋشىلىققا، تارتىپسىزدىككە شاقىرىپ كەرەگى جوق! ال قۇزىرلى ورگانداردا جۇمىس ىستەيتىندەرگە ايتارىم ميلارى ۋلانعاندارمەن جۇمىس ىستەڭدەر! بىزگە وسىلار قاۋىپتىرەك. جاستارعا ايتارىم، مىنا جىگىتتىڭ ىستەگەنىن ىستەپ جۇرمەڭدەر! قامالىپ كەتەسىڭدەر نەمەسە ۇلكەن سوممادا ايىپپۇل تولەيسىڭدەر!»، - دەپ جازدى زاڭگەر.
«ادىرنا» ۇلتتىق پورتالى
