قاراعاندى وبلىسى، جاڭاارقا اۋدانىندا جەرگىلىكتى قوعامدىق بەلسەندى عالى باقتىباەۆتى اتىپ كەتتى. بۇل تۋرالى فەيسبۋك پاراقشاسىندا ايسۇلتان جاقىپوۆ حابارلادى."
"جاڭاارقادا عالى دەگەن كىسى بار ەدى. جەمقورلىقپەن كۇرەسەتىن، سوتقا دەيىن باراتىن ادامتىن. قوسانوۆ اعامىزدىڭ جارنامالارىن ءىلىپ، جاقسى جۇمىس ىستەپ جۇرگەن. سول كىسىنى تۇندە اتىپ كەتىپتى.
جەمقورلار تىقىر تايانعانىن سەزىنە باستادى ما؟
مارقۇمنىڭ تولىق اتى-ءجونى باقتىباەۆ عالى ءادىۇلى
يماندى بولىڭىز عالى اعا!
قانىڭىز بوسقا توگىلمەيدى. ۋادە بەرەم!" دەپ جازدى جاقىپوۆ.
جۇرتتىڭ ايتۋىنشا، عالىعا الدىندا بىرەۋلەر ەسكەرتۋ جاساپ، ۇرىپ كەتىپتى. عالىنىڭ ءولىمى سايلاۋعا قاتىستى بولماۋى دا مۇمكىن. سەبەبى ول كىسى جەمقورلارمەن كۇرەسىپ، سوتقا دەيىن بارعان. تالاي پاراقور، جەمقوردى اشكەرەلەگەن. سولاردان كەلۋى دە مۇمكىن دەيدى.
ال، قوسانوۆتى قولداۋ ءۇشىن پلاكاتتارىن ءىلىپ، حالىقتى ۇگىتتەپ، جۇگىرىپ جۇرگەنى راس دەيدى جەرلەستەرى.
قوسانوۆتىڭ سايلاۋ الدى شتابىنا حابارلاسقانىمىزدا عالى باقتىباەۆ رەسمي وكىلى ەمەس ەكەنىن ايتتى.
"ادىرنا" ۇلتتىق پورتالى
