نۇرسۇلتان نازارباەۆ تاعى ءبىر لاۋازىمىنان ايىرىلۋى مۇمكىن، دەپ حابارلايدى "ادىرنا" ءتىلشىسى كازتاگ اگەنتتىگىنە سىلتەپ.
نۇرسۇلتان نازارباەۆ باسقاراتىن "سامۇرىق-قازىنا" ۇلتتىق ءال-اۋقات قورىن (ۇاق) باسقارۋ جونىندەگى كەڭەستىڭ تاراۋى مۇمكىن. ۇكىمەت قاۋلىسىنىڭ جوباسىندا:
"سامۇرىق-قازىنا" ۇاق "اق جارعىسىن بەكىتۋ تۋرالى" قازاقستان رەسپۋبليكاسى ۇكىمەتىنىڭ 2012 جىلعى 8 قاراشاداعى № 1418 قاۋلىسىنا مىناداي وزگەرىستەر ەنگىزىلسىن: كورسەتىلگەن قاۋلىمەن بەكىتىلگەن "سامۇرىق-قازىنا "ۇاق" اق جارعىسىندا: 7-1 – تاراۋ ("قوردى باسقارۋ جونىندەگى كەڭەس"- قازتاگ) الىپ تاستالسىن", - دەلىنگەن.
49-1-تارماققا وزگەرتۋلەر ەنگىزىلۋى مۇمكىن: "49-1. وسى جارعىنىڭ 49-تارماعىنىڭ 6) (تاۋەلسىز ديرەكتورلاردى سايلاۋعا قاتىستى) جانە 6-1) تارماقشالارى بويىنشا شەشىمدەردى قوردىڭ جالعىز اكتسيونەرى قابىلدايدى".
49-1-تارماقتا اتالعان شەشىمدەر قوردى باسقارۋ جونىندەگى كەڭەسپەن كەلىسۋگە مىندەتتى ەكەنى ايتىلعان.
"57-تارماقتا ("قوردىڭ ديرەكتورلار كەڭەسىنىڭ ايرىقشا قۇزىرەتىنە مىناداي ماسەلەلەر بويىنشا شەشىمدەر قابىلداۋ جاتادى:" – قازتاگ) 28) تارماقشا مىناداي رەداكتسيادا جازىلسىن: "28) قوردىڭ ديرەكتورلار كەڭەسىنىڭ قىزمەتىنە جىل سايىنعى باعالاۋ جۇرگىزۋ", - دەلىنگەن تۇزەتۋلەر جوباسىندا.
قازىر 28-تارماقشادا: "قوردى باسقارۋ جونىندەگى كەڭەسكە اقپارات جىبەرە وتىرىپ، قوردىڭ ديرەكتورلار كەڭەسىنىڭ قىزمەتىنە جىل سايىنعى باعالاۋ جۇرگىزۋ",-دەلىنگەن.
ەسكە سالا كەتەيىك، وسىعان دەيىن ەكس-پرەزيدەنت اكتسيالارىنان, كىتاپحاناسىنان, "قۇرمەتتى سەناتور" سىندى بىرنەشە اتاعىنان ايىرىلعان بولاتىن.
