قازىرگى ۋاقىتتا قازاقستاندا 8 مىڭنان اسا مەديتسينالىق مامان جەتىسپەيدى. بۇل تۋرالى سەنات توراعاسى ماۋلەن اشىمباەۆ ايتتى، دەپ حابارلايدى “ادىرنا” ۇلتتىق پورتالى
دەنساۋلىق ساقتاۋ قىزمەتكەرلەرىنىڭ جالاقىسى جىل سايىن 20-30% ارتىپ وتىر. بۇل – مەديتسينا قىزمەتكەرلەرىن الەۋمەتتىك قورعاۋدا وتە ۇلكەن ماڭىزعا يە. الايدا سالادا مەديتسينالىق كادردىڭ تاپشىلىعى بار. ءبىزدىڭ مالىمەت بويىنشا دەنساۋلىق ساقتاۋ سالاسىندا 8 مىڭنان اسا كادر تاپشى. بۇل تەندەنتسيا سوڭعى جىلدارى بايقالىپ وتىر. ونىڭ سانى ارتىپ تا كەلەدى. كادرلاردى ساقتاپ، ولارعا جاعداي جاساۋ بويىنشا بىرقاتار ۇسىنىس بولدى، - دەدى ماۋلەن اشىمباەۆ.
سونداي-اق، ول وسى ماسەلەنى شەۋ ءۇشىن دەنساۋلىق ساقتاۋ مينيسترلىگىمەن بىرلەسىپ جۇمىس ىستەۋدى ۇسىندى.
مەديتسينا ماماندىعىنا كادر تارتۋ ءۇشىن قوسىمشا قانداي ءىس-ارەكەت جاساۋعا، قانداي زاڭعا وزگەرىس ەنگىزىپ، قانداي نورما قابىلداۋعا بولادى دەگەن ماسەلەلەردى قاراۋ كەرەك. سەبەبى مەديتسينا كادرلارىنىڭ جەتىسپەۋشىلىگى – وتە وزەكتى پروبلەما. سوڭعى جىلدارى قارقىندى ءوسۋ بولعان جوق. قازىر ناقتى شەشىم قابىلداۋدى قاجەت ەتەتىن جاعداي تۋىنداپ وتىر. ولاردى ازىرلەپ، ۇكىمەتپەن بىرلەسىپ ىسكە اسىرامىز، - دەدى سەنات توراعاسى.
