Qazırgı uaqytta Qazaqstanda 8 myŋnan asa medisinalyq maman jetıspeidı. Būl turaly Senat töraǧasy Mäulen Äşımbaev aitty, dep habarlaidy “Adyrna” ūlttyq portaly
Densaulyq saqtau qyzmetkerlerınıŋ jalaqysy jyl saiyn 20-30% artyp otyr. Būl – medisina qyzmetkerlerın äleumettık qorǧauda öte ülken maŋyzǧa ie. Alaida salada medisinalyq kadrdyŋ tapşylyǧy bar. Bızdıŋ mälımet boiynşa densaulyq saqtau salasynda 8 myŋnan asa kadr tapşy. Būl tendensiia soŋǧy jyldary baiqalyp otyr. Onyŋ sany artyp ta keledı. Kadrlardy saqtap, olarǧa jaǧdai jasau boiynşa bırqatar ūsynys boldy, - dedı Mäulen Äşımbaev.
Sondai-aq, ol osy mäselenı şeu üşın densaulyq saqtau ministrlıgımen bırlesıp jūmys ısteudı ūsyndy.
Medisina mamandyǧyna kadr tartu üşın qosymşa qandai ıs-äreket jasauǧa, qandai zaŋǧa özgerıs engızıp, qandai norma qabyldauǧa bolady degen mäselelerdı qarau kerek. Sebebı medisina kadrlarynyŋ jetıspeuşılıgı – öte özektı problema. Soŋǧy jyldary qarqyndy ösu bolǧan joq. Qazır naqty şeşım qabyldaudy qajet etetın jaǧdai tuyndap otyr. Olardy äzırlep, Ükımetpen bırlesıp ıske asyramyz, - dedı senat töraǧasy.
