قاراعاندىدا قاتتى جەلدەن باتۋت اۋدارىلىپ، ءبىر بالا كوز جۇمدى، دەپ حابارلايدى توتەنشە جاعدايلار كوميتەتىنىڭ ءباسپاسوز قىزمەتى.
"25 مامىردا ساعات 17:30-دا قاراعاندىداعى مادەنيەت جانە دەمالىس ورتالىق ساياباعىندا دۇڭگىرشەك جانىنداعى باتۋت قاتتى جەلدەن اۋدارىلىپ كەتتى. سالدارىنان 2007 جىلى تۋعان بالا قازا بولدى", - دەلىنگەن حابارلامادا.
توتەنشە جاعدايلار كوميتەتىنىڭ مالىمەتىنە سۇيەنسەك، 2004 جانە 2012 جىلى تۋعان بالالار ءارتۇرلى سىنىق الىپ، اۋرۋحاناعا جاتقىزىلدى.
"ۇرلەمەلى اتتراكتسيونداردى كوشەلەر مەن ساياباقتارعا ورناتۋعا اكىمدىك رۇقسات بەرەدى. ال ساۋدا جانە ويىن-ساۋىق ورتالىقتارىنىڭ الاڭدارىندا باتۋتتار ەكى قوجايىننىڭ اراسىنداعى كەلىسىمشارتقا بايلانىستى قۇرىلادى", - دەپ اتاپ ءوتتى ۆەدومستۆو.
قۇتقارۋشىلار اتا-انالارعا قاتتى جەل سوققان كەزدە بالالاردى كوشەدەگى باتۋتتارعا ويناتپاۋدى ەسكەرتەدى.
Sputnik.