الەۋمەتتىك جەلىدە قاراعاندى وبلىسىنداعى قارقارالى اۋدانىندا دالا ورتىنەن جانۋارلاردىڭ زارداپ شەگىپ، قاشىپ جاتقانى تۇسىرىلگەن بەينە جاريالاندى. جازبادا مالدىڭ قىرىلۋى مۇمكىن ەكەنى جازىلعان، دەپ حابارلايدى "ادىرنا" ۇلتتىق پورتالى.
قارقارالى اۋدانىنىڭ اكىمدىگى مال شىعىنىنا قاتىستى دەرەكتەر تىركەلمەگەنىن مالىمدەدى. بۇگىندە دالا ءورتىن جويۋ ءۇشىن بارلىق شارا قابىلدانۋدا.
24.kz ارناسىنىڭ مالىمەتىنشە، مال شىعىنى تۋرالى ەش اقپارات جوق.
"تەرەكتى اۋىلىندا تج جونىندەگى ۆيتسە-ءمينيستردىڭ قاتىسۋىمەن جەدەل شتاب اشىلدى. ءورتتى جويۋ بويىنشا بارلىق شارا قابىلدانۋدا. كۇش پەن قاراجات جەتكىلىكتى. ججم تولىعىمەن قامتاماسىز ەتىلگەن. قۇتقارۋشىلارعا تاماق پەن سۋ جەتكىزىلۋدە. قازىرگى ۋاقىتتا مال شىعىنى تۋرالى اقپارات جوق. الايدا ءبىز بارلىق فەرمەرمەن بايلانىستامىز", – دەدى ءتىلشى ءادىلجان ارعىنوۆ.
ايتا كەتەيىك، قاراعاندى وبلىسىنىڭ قارقارالى اۋدانى جانە پاۆلودار وبلىسىنىڭ باياناۋىل تابيعي پاركىندەگى دالا ءورتى 45 مىڭ گەكتار جەرگە تاراپ ۇلگەرگەنىن جازعان ەدىك.
