الماتى جانە تۇركىستان وبلىسىندا تەرروريستىك ۇيىمنىڭ جاقتاۋشىلارى ۇستالدى. بۇل تۋرالى جەرگىلىكتى پوليتسيا دەپارتامەنتتەرى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، كۇدىككە ىلىككەن ەكى ازامات قازاقستاندا زاڭمەن تىيىم سالىنعان «دايش» جانە «حيزب-ۋت-تاحرير» ۇيىمدارىن ناسيحاتتاعان. ولاردىڭ ۇيلەرىن ءتىنتۋ كەزىندە ءدىني ادەبيەتتەر مەن وزگە دە زاتتاي دالەلدەمەلەر تاركىلەندى.
قىلمىستىق كودەكستىڭ 256-بابىنىڭ 1-بولىگى “تەرروريزمدi ناسيحاتتاۋ نەمەسە تەرروريزم اكتiسiن جاساۋعا جاريا تۇردە شاقىرۋ” بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر. تەرگەۋ ۋاقىتىندا ۇستالعاندارعا قاماۋعا الۋ تۇرىندەگى بۇلتارتپاۋ شاراسى تاڭدالدى.
