الماتىدا دەپۋتات باقىتجان بازاربەكتىڭ بالاسىنىڭ ارباسىن ورتەپ جىبەرگەن ەر ادام ۇستالدى. بۇل تۋرالى ىشكى ىستەر مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
مالىمەتكە سايكەس، جەدەل ىزدەستىرۋ شارالارى بارىسىندا وسى ىسكە قاتىسى بار دەگەن كۇدىكپەن 1991 جىلى تۋعان ب. ەسىمدى ازامات ۇستالدى. قازىرگى كەزدە قىلمىستىق كودەكستىڭ 293-بابى بويىنشا سوتقا دەيىنگى تەرگەۋ شارالارى باستالدى. وقيعانىڭ ءمان-جايى انىقتالىپ جاتىر.
ەسكە، 8 قىركۇيەكتە الماتىدا بەلگىسىز بىرەۋ ءماجىلىس دەپۋتاتى باقىتجان بازاربەكتىڭ پاتەرى الدىندا بەسىك اربانى ورتەپ جىبەرگەنىن حابارلاعان ەدىك. سول كەزدە بازاربەك وتباسىنا بەلگىسىز بىرەۋلەردەن قوقان-لوققىعا ۇكسايتىن ارەكەتتەردىڭ باستالعانىن مالىمدەدى.
قىلمىستىق كودەكستىڭ 293-بابى (بۇزاقىلىق) بويىنشا 2 000 ايلىق ەسەپتiك كورسەتكiشكە (6 900 000 تەڭگە) دەيiنگi مولشەردە ايىپپۇل نە سول مولشەردە تۇزەۋ ءجۇمىستارى نەمەسە 600 ساعاتقا دەيىنگى مەرزىمگە قوعامدىق جۇمىستار، يا بولماسا، ەكى جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋ جازاسى قاراستىرىلعان. ال ادامدار توبىمەن جاسالعان ارەكەت ءۇشىن جازا بۇدان دا قاتاڭ بولادى.
ۇقساس جاڭالىقتار
