Zańger Aıgúl Orynbek sheneýnikterge shúıligip, úndeý jasady, dep habarlaıdy "Adyrna" tilshisi.
Facebook áleýmettik jelisiniń belsendi qoldanýshysy, jeke kásipker, zańger Aıgúl Orynbek Qaraǵandyda oryn alǵan apatqa qatysty pikir bildirdi. Ol óziniń áleýmettik jelidegi jazbasy arqyly halyqtyń únine qulaq aspaı, kabınetke qamalatyn bılik basyndaǵylarǵa úndeý jasady.
“Qabyrǵamyz qaıysyp kóńil aıtamyn” deısińder me? Adam ólgende ǵana, Prezıdent ushyp baryp baqylaýǵa alǵanda ǵana arttaryńdy bylǵary kreslodan kóterip, qabyrǵalaryń qaıysyp halyq aldyna shyǵasyńdar bastaryń salbyrap! Eı, úkimet, osy ýaqytqa deıin qaıda boldyńdar? Tamyzdaǵy jarylystan keıin, nege bul jarylysty aldyn almadyńdar? Halyqtyń únin estımeısińder kabınetterińe tyǵylyp! Aýyl aımaqty aralasyńdar halyqty emes, qyzyl kilemmen júrip ákimderdiń qolyn alyp ketesińder! Ótirik esep, “ómir ǵajap, bári keremet baqylaýda”, dep betteriń bylshıyp otyrasyńdar! Sender osy apatty jaǵdaılardan aqsha jasamaısyńdar ma? Bir shahtany ıgere almaı jatsyńdar, atomdyq stanııany tipti oılaýdyń ózi qorqynyshty.
Otyz eki otbasy qara jamyldy bir kúnde, al keıbir jemqorlardyń etteri de betteri de qaıysa beretin qabyrǵalary da úırenip qalǵan?! Óte aýyr qaıǵy.
Jaqyndarynan aırylyp aza tutyp jatqandardyń otbasynan kómek bere almaǵanym úshin keshirim surap, kóńil aıtamyn",- dep jazdy zańger.
