قاراعاندىداعى كوستەنكو شاحتاسىندا اۆاريالىق-قۇتقارۋ جۇمىستارى ۇزدىكسىز جۇرگىزىلۋدە، دەپ حابارلايدى “ادىرنا” ءتىلشىسى توتەنشە جاعدايلار مينيسترلىگىنە سىلتەپ.
قازىر شاحتاداعى اپاتتىڭ سالدارىنان تاۋ-كەن قۇتقارۋ بولىمشەلەرى بارلىق قاجەتتى ءىس-شارالاردى اۋىسىممەن جاساپ جاتىر.
مينيسترلىك وكىلىنىڭ سوزىنشە جۇمىستار تاۋلىك بويى ەكى ءوندىرۋ ۋچاسكەسىندە جۇرگىزىلىپ جاتىر.
“تاۋ-كەن قۇتقارۋشىلارىنىڭ كۇشتەرى كەنشىلەردى ىزدەۋگە شوعىرلاندىرىلعان. ىزدەۋ جۇمىستارى ەلەكتر ەنەرگياسىنىڭ جەتىسپەۋشىلىگىنەن، تاۋ-كەن جۇمىستارىنىڭ كوپتىگىنەن، جەكە سۋ باسقان قازبالارعا قول جەتىمدىلىكتىڭ بولماۋىنان، كوپتەگەن بۇزىلعان مەحانيزمدەر مەن قۇرىلىستاردىڭ بولۋىنان قيىندىق تۋعىزۋدا.
سونداي-اق، قازا تاپقانداردىڭ دەنەلەرىن جەر بەتىنە شىعارۋ جۇمىستارى جۇرگىزىلۋدە.
اۆاريا ورنىندا اشىق جانۋ وشاقتارى جوق”،-دەيدى قر تجم وكىلى.
سونىمەن قاتار، جەدەل جەلى تەلەفوندارى ۇزدىكسىز جۇمىس ىستەۋدە. بارلىعى 400-گە جۋىق قوڭىراۋ كەلىپ ءتۇستى. 20 پسيحولوگ شۇعىل پسيحولوگيالىق كومەك كورسەتۋدە.
ۇقساس جاڭالىقتار
