Qaraǵandydaǵy Kostenko shahtasynda avarııalyq-qutqarý jumystary úzdiksiz júrgizilýde, dep habarlaıdy “Adyrna” tilshisi Tótenshe jaǵdaılar mınıstrligine siltep.
Qazir shahtadaǵy apattyń saldarynan taý-ken qutqarý bólimsheleri barlyq qajetti is-sharalardy aýysymmen jasap jatyr.
Mınıstrlik ókiliniń sózinshe jumystar táýlik boıy eki óndirý ýchaskesinde júrgizilip jatyr.
“Taý-ken qutqarýshylarynyń kúshteri kenshilerdi izdeýge shoǵyrlandyrylǵan. Izdeý jumystary elektr energııasynyń jetispeýshiliginen, taý-ken jumystarynyń kóptiginen, jeke sý basqan qazbalarǵa qol jetimdiliktiń bolmaýynan, kóptegen buzylǵan mehanızmder men qurylystardyń bolýynan qıyndyq týǵyzýda.
Sondaı-aq, qaza tapqandardyń denelerin jer betine shyǵarý jumystary júrgizilýde.
Avarııa ornynda ashyq janý oshaqtary joq”,-deıdi QR TJM ókili.
Sonymen qatar, jedel jeli telefondary úzdiksiz jumys isteýde. Barlyǵy 400-ge jýyq qońyraý kelip tústi. 20 psıholog shuǵyl psıhologııalyq kómek kórsetýde.
