جەتىسۋ وبلىسىندا 23 بۋحگالتەر قاماۋعا الىندى. بۇل تۋرالى وبلىستىق سىبايلاس جەمقورلىققا قارسى قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، انتيكور 4,6 ملرد تەڭگەدەن استام سوماعا قاتىستى ۇرلىقتى تەرگەپ جاتىر، 23 ادام كۇدىككە ءىلىندى. ونىڭ 21-ءى تالدىقورعان قالاسىنىڭ ءبىلىم ءبولىمىنىڭ جانە №14 ورتا مەكتەبىنىڭ بۋحگالتەرلەرى.
سوت سانكتسياسىمەن توعىز ادام قاماۋعا الىنىپ، 31 جىلجىمايتىن مۇلىك، 14 اۆتوكولىك، زەرگەرلىك بۇيىمدار مەن اقشالاي قاراجات تاركىلەندى.
بۇل اقپارات جەلى قولدانۋشىلارى اراسىندا تالقى تۋدىرۋدا.
ءبىر تاراپ “ديرەكتورسىز بۋحگالتەر جالعىز جەي المايدى، 23 ديرەكتور قامالۋ كەرەك”، “بۋحگالتەرلەردى قاماپ كوز بوياۋشىلىق قىلعانشا، سول قىلمىسقا جول بەرگەن باسشىلار مەن اكىمدەردى نەگە قاماۋعا المايدى؟” دەسە، ءبىر تاراپ “دۇرىس بولعان، كەزىندە ءبىر بۋحگالتەردىڭ مەملەكەتتىك ساتىپ الۋدان اقشا جاساعانىن كورگەنمىن، باسشىلار ولارعا سەنىپ، “قول قوي” دەسە قويا بەرەدى”، دەدى
