Jetısu oblysynda 23 buhgalter qamauǧa alyndy. Būl turaly oblystyq sybailas jemqorlyqqa qarsy qyzmetı mälımdedı, dep habarlaidy “Adyrna” ūlttyq portaly.
Aqparatqa säikes, antikor 4,6 mlrd teŋgeden astam somaǧa qatysty ūrlyqty tergep jatyr, 23 adam küdıkke ılındı. Onyŋ 21-ı Taldyqorǧan qalasynyŋ bılım bölımınıŋ jäne №14 orta mektebınıŋ buhgalterlerı.
Sot sanksiiasymen toǧyz adam qamauǧa alynyp, 31 jyljymaityn mülık, 14 avtokölık, zergerlık būiymdar men aqşalai qarajat tärkılendı.
Būl aqparat jelı qoldanuşylary arasynda talqy tudyruda.
Bır tarap “direktorsyz buhgalter jalǧyz jei almaidy, 23 direktor qamalu kerek”, “buhgalterlerdı qamap köz boiauşylyq qylǧanşa, sol qylmysqa jol bergen basşylar men äkımderdı nege qamauǧa almaidy?” dese, bır tarap “dūrys bolǧan, kezınde bır buhgalterdıŋ memlekettık satyp aludan aqşa jasaǧanyn körgenmın, basşylar olarǧa senıp, “qol qoi” dese qoia beredı”, dedı
