Jetisý oblysynda 23 býhgalter qamaýǵa alyndy. Bul týraly oblystyq sybaılas jemqorlyqqa qarsy qyzmeti málimdedi, dep habarlaıdy “Adyrna” ulttyq portaly.
Aqparatqa sáıkes, antıkor 4,6 mlrd teńgeden astam somaǵa qatysty urlyqty tergep jatyr, 23 adam kúdikke ilindi. Onyń 21-i Taldyqorǵan qalasynyń bilim bóliminiń jáne №14 orta mektebiniń býhgalterleri.
Sot sankııasymen toǵyz adam qamaýǵa alynyp, 31 jyljymaıtyn múlik, 14 avtokólik, zergerlik buıymdar men aqshalaı qarajat tárkilendi.
Bul aqparat jeli qoldanýshylary arasynda talqy týdyrýda.
Bir tarap “dırektorsyz býhgalter jalǵyz jeı almaıdy, 23 dırektor qamalý kerek”, “býhgalterlerdi qamap kóz boıaýshylyq qylǵansha, sol qylmysqa jol bergen basshylar men ákimderdi nege qamaýǵa almaıdy?” dese, bir tarap “durys bolǵan, kezinde bir býhgalterdiń memlekettik satyp alýdan aqsha jasaǵanyn kórgenmin, basshylar olarǵa senip, “qol qoı” dese qoıa beredi”, dedi
