شەتەلگە زاڭسىز شىعارىلعان اكتيۆتەردى قايتارۋ جونىندەگى زاڭ تۋرالى اتالعان زاڭ جوباسىمەن تىكەلەي اينالىسقان دەپۋتاتتاردىڭ ءبىرى قايرات بالابيەۆ ايتىپ بەردى.
ء“بىز زاڭ جوباسى شىلدە ايىندا قابىلداپ بىتتىك. سودان كەيىن پرەزيدەنت قول قويدى. ۇكىمەت جانىندا كوميسسيا قۇرىلدى، باس پروكۋراتۋرانىنىڭ جانىنان كوميتەت قۇرىلدى. كوميتەت قابىلداعان شەشىمدەردىڭ بارلىعى اشىق بولادى، حالىققا جەتەدى. بۇل زاڭدا دامىعان وزىق ەلدەردىڭ تاجىريبەسى ەسكەرىلدى. كەلەشەكتە بۇل زاڭنان حالىققا كوپ پايدا كەلەدى، تۇسكەن اقشانىڭ ءبارى تىكەلەي الەۋمەتتىك سالاعا – مەكتەپتەر، اۋرۋحانالار سالۋعا جۇمسالادى. زاڭ قابىلداعان سوڭ، مۇنىڭ جۇمىسىنا ەشكىم كەدەرگى بولا المايدى”، - دەدى ول Abay LIVE Youtube ارناسىنا بەرگەن سۇحباتىندا.
ونىڭ سوزىنشە، قىلمىستىق جاۋاپكەرشىلىكتى بىلاي قويعاندا، زاڭسىز شىعارىلعان قارجىنى مەملەكەتكە ەرىكتى تۇردە قايتارىپ الۋدىڭ ءوزى ۇلكەن جۇمىس.
«زاڭدا اقشانى ءوز ەركىمەن قايتارۋ دەگەن باپ بار. كىمدە كىم كوپ اقشا شىعارىپ، كەلىسىممەن وزدىگىمەن اقشانى قايتارىپ جاتسا،ول وتە جاقسى. قارجىنى قايتارىپ الۋدىڭ ءوزى ۇلكەن جۇمىس. مۇنىڭ ءوزى ۇلكەن جازا. ونىڭ ۇستىنە قايتقان اقشا حالىق يگىلىنە جۇمسالادى عوي. 100 ملن دوللاردان اسا قارجى شىعارعانداردىڭ بارلىعىن تەكسەرەدى. قۇقىق قورعاۋ ورگاندارىنا ولاردى تاۋىپ، زاڭسىزدىقتاردى انىقتاۋ قيىندىق تۋدىرمايدى»، - دەدى جاڭا زاڭ تۋرالى دەپۋتات.
