Shetelge zańsyz shyǵarylǵan aktıvterdi qaıtarý jónindegi Zań týraly atalǵan zań jobasymen tikeleı aınalysqan depýtattardyń biri Qaırat Balabıev aıtyp berdi.
“Biz Zań jobasy shilde aıynda qabyldap bittik. Sodan keıin Prezıdent qol qoıdy. Úkimet janynda komıssııa quryldy, Bas prokýratýranynyń janynan komıtet quryldy. Komıtet qabyldaǵan sheshimderdiń barlyǵy ashyq bolady, halyqqa jetedi. Bul zańda damyǵan ozyq elderdiń tájirıbesi eskerildi. Keleshekte bul zańnan halyqqa kóp paıda keledi, túsken aqshanyń bári tikeleı áleýmettik salaǵa – mektepter, aýrýhanalar salýǵa jumsalady. Zań qabyldaǵan soń, munyń jumysyna eshkim kedergi bola almaıdy”, - dedi ol Abay LIVE Youtube arnasyna bergen suhbatynda.
Onyń sózinshe, qylmystyq jaýapkershilikti bylaı qoıǵanda, zańsyz shyǵarylǵan qarjyny memleketke erikti túrde qaıtaryp alýdyń ózi úlken jumys.
«Zańda aqshany óz erkimen qaıtarý degen bap bar. Kimde kim kóp aqsha shyǵaryp, kelisimmen ózdigimen aqshany qaıtaryp jatsa,ol óte jaqsy. Qarjyny qaıtaryp alýdyń ózi úlken jumys. Munyń ózi úlken jaza. Onyń ústine qaıtqan aqsha halyq ıgiline jumsalady ǵoı. 100 mln dollardan asa qarjy shyǵarǵandardyń barlyǵyn tekseredi. Quqyq qorǵaý organdaryna olardy taýyp, zańsyzdyqtardy anyqtaý qıyndyq týdyrmaıdy», - dedi jańa zań týraly depýtat.
